News
ORANJESTAD, Aruba 23 di Juli 2013: Lotto, e Loteria di Aruba ta anuncia cu pa awe diamars 23 di Juli, e jackpot di Mini Mega a alcansa e bunita suma di 750.000 florin y e bon di esaki ta cu abo por bira e feliz ganado. Lotto, e loteria di Aruba kier pa bo liña ta na awa y pa esaki bo mester pasa awe mes na bo rebendedo preferi. Sorteo di Mini Mega ta awe nochi na TeleAruba, Canal 13 pa 9'or di anochi.
ORANJESTAD, Aruba 17 di Juli 2013: Lotto, e Loteria di Aruba no kier laga ningun oportunidad pasa pa bo por bira ganado di tremendo premionan hungando cualkier di nan weganan. Y awo cu e weganan di Raspa, bo tin mas chens di tambe bira un feliz ganado di un di e premionan interesante. Lotto ta regala Blackberry 9320, Super Food Grocery Certificate, Kooyman Certificate, Flora Market Certificate, SETAR Prepaid Cards y sin lubida Cinema Ticket pa 2 persona.
Pa gana ta masha facil. Cumprando cualkier wega di Raspa, e ticketnan cu no a gana, bo ta skirbi bo nomber, number di telefon y adres riba dje. Deposita e ticketnan den e cahanan di e weganan di Raspa na bo rebendedo preferi. Lo bay tin 75 feliz ganado!
ORANJESTAD, Aruba - 18 di Juli 2013: Whaldimir M. no por a pensa cu e dia lo yega pa e bira e feliz ganador di e di dos premio di Mini Mega. Whaldimir a cumpra su ticket ganado di e di dos premio na Paradera Lottery riba 7 di Mei pasa. Como anecdota el a duna di conoce cu e no tabata sa mes cu el a gana ya cu el a benta e ticket den un lachi di paña sin sa cu eynan e tabatin un premio gordo pa realisa parti di su soñonan.
ORANJESTAD, Aruba 17 di Juli 2013: Diadomingo, dia 14 di juli, pa coincidencia Marionel B. a hay'e den Lucky Potpouri na Bubali y a dicidi di cumpra 50 cen na Zodiac. Marionel no ta un cliente vast y nunca el a pensa mes cu e lo bira ganado di Afl. 12.500 cu e inversion chikito aki.
ORANJESTAD, Aruba – 15 di juli 2013: Tur siman tin dos sorteo di Mini Mega, un riba diamars y otro riba diabierna. E sorteo di Lotto pa diabierna ultimo no a conoce un ganado pa cual den fin di siman a cambia e premio pa diamars awor pa Afl. 575.000,=.
ORANJESTAD, Aruba 10 di Juli 2013: Mas y mas fiel hungadornan di Lotto ta birando parti di e grupo grandi di ganadornan cu a haci nan soño realidad. Esaki ta e caso di Sra. Celvin, kende ta un fiel hungador di Zodiac. E tin su numbernan preferi esakinan ta 1748. El a dicidi di hunga e numbernan cu e mas gusta pa e sorteo di merdia y anochi.
Locutornan y personal di Cool FM, Blue FM, Power FM, Latina FM, Caliente FM, Magic FM, Hit 94 y Galactica a haya bishita di e PR di Lotto, e loteria di Aruba pa cu e reintroduccion di Raspa y Gana. Na tur stacion di radio a invita comunidad di Aruba pa purba nan suerte cu Raspa y Gana y ademas a regala tas, scraper y T-shirt na e locutornan pa promove e weganan asina popular cu Lotto a trece bek.
Lotto, e loteria di Aruba, a reintroduci Raspa y Gana e siman aki. Apenas algun dia despues di su reintroduccion ya Lotto a haya e bon noticia cu un hungado feliz ganado. Liu Zhiging a cumpra su ticket di Some Like It Hot na Wan Li Supermarket y a bira e prome ganado di Afl. 1000 cu Raspa y Gana.
Liu a bisa cu e ta gusta e wega hopi y ta hopi contento cu su premio, cual e no a spera di gana asina lihe despues cu Lotto a cuminsa bek cu e wega popular cu ta ofrece diferente opcion atractivo pa gana premionan grandi y chikito.
ORANJESTAD, Aruba - 1 di juli 2013: Lotto, e loteria di Aruba, a re-introduci e wega di Raspa y pa cuminsa a bin cu dos wega, y den e simannan venidero lo introduci mas wega. Raspa y Gana ta bek riba mercado, den un bachi completamente nobo. Lotto ta contento cu por sigui amplia su variedad di wega, biniendo cu wega diferente, nobo y dibertido pa su hungadonan. Riba e ticket di cada wega, tin un splicacion completo na Papiamento con pa hunga e wega y bira un feliz ganado.
ORANJESTAD, Aruba - 25 di juni 2013: Un di e satisfaccion nan di mas grandi di Lotto, e loteria di Aruba, ta ora cu e hungadonan bin oficina pa ricibi nan check cu nan a gana di un di e weganan di Lotto. Un biaha mas, otro hungado ta bira un feliz ganado y e biaha aki cu e wega di Lotto di Dia, cu tabatin un jackpot di 78 mil florin.
ORANJESTAD, Aruba - 21 di juni 2013: E weganan Lotto, e loteria di Aruba, ta sigui haci su hungadonan feliz. Un biaha mas e wega popular y hopi hunga pa nos hendenan, esta Mini Mega, ta conoce un ganado di e di dos premio.
Durante e sorteo di Mini Mega di diabierna juni 14, señora Cosma G. a bira e feliz ganado di 13.132 florin como e di dos premio. Su yiu muhe semper ta cumpra e ticketnan di Mini Mega loco y ta parti pa famia haya y purba nan suerte.
