E bishitanan na tur radio a bay den hopi bon ambiente, unda cu e locutornan a probecha y puntra diferente pregunta tocante e weganan di Lotto en general, pero a concentra mas riba Raspa y Gana, cual ta otorga premio "al instante". Na e momento cu e cliente raspa e ticket e por wak di biaha si el a gana un premio.
Cu masha satisfaccion por a anuncia cu ya caba Raspa y Gana a conoce algun ganado. Pero, loke ta mas impresionante ta cu ya caba Lotto orguyosamente por a entrega un di prome premio di Afl. 1000 na un ganado apenas algun dia despues di e reintroduccion di e weganan aki.
Hunga ta facil, gana instantaneo!
E wega di Raspa ta costa unicamente 2 florin y por gana di 2 te cu 10 mil florin instantaneo! E prome dos weganan di raspa y gana cu Lotto a lansa ta: "Diamonds 2X" y "Some Like it Hot".
Cu e wega di raspa Diamonds 2X, bo por gana e premio maximo di 5 mil florin. Pa hunga ta masha facil mes, djis cumpra bo ticket di Diamonds 2X cu 2 florin, raspa y iguala 3 suma y bo ta gana e suma ey. Si bo haya 2 suma mescos, mas e simbolo 2X, bo ta gana dobel e suma ey.
Cu e wega di Raspa Some Like it Hot, bo por gana e premio grandi di 10 mil florin. Na momento cu bo cumpra bo ticket di Raspa cu 2 florin, bo tin cu raspa e number ganado, parti ariba di e ticket, tambe raspa e numbernan bou di esaki. Asina cu bo match cualkier di bo numbernan cu e number ganado bo ta gana e suma cu bo a match. Pero loke ta haci e wega di raspa Some Like it Hot aki realmente dibertido y mas excitante ta cu e tin un BONUS! Si bo scratch 2 suma mescos, bo ta gana e suma ey tambe.
Lotto, e loteria di Aruba tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y e mas nobo den e famia di Lotto; Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.
{gallery}joomgallery/originals/raspa_radio_tour_27{/gallery}
