E wega di Raspa ta costa unicamente 2 florin y por gana di 2 te cu 10 mil florin instantaneo. E miembronan di prensa a keda masha contento di por a experiencia e wega Raspa y Gana durante e conferencia di prensa. E prome dos weganan di raspa y gana cu Lotto a lansa ta: "Diamonds 2X" y "Some Like it Hot". Riba e potret por mira miembronan di prensa cu a experiencia e weganan di Raspa.

Cu e wega di raspa Diamonds 2X, bo por gana e premio maximo di 5 mil florin. Pa hunga ta masha facil mes, djis cumpra bo ticket di Diamonds 2X cu 2 florin, raspa y iguala 3 suma y bo ta gana e suma ey. Si bo haya 2 suma mescos, mas e simbolo 2X, bo ta gana dobel e suma ey.

Cu e wega di Raspa Some Like it Hot, bo por gana e premio grandi di 10 mil florin. Na momento cu bo cumpra bo ticket di Raspa cu 2 florin, bo tin cu raspa e number ganado, parti ariba di e ticket, tambe raspa e numbernan bou di esaki. Asina cu bo match cualkier di bo numbernan cu e number ganado bo ta gana e suma cu bo a match. Pero loke ta haci e wega di raspa Some Like it Hot aki realmente dibertido y mas excitante ta cu e tin un BONUS! Si bo scratch 2 suma mescos, bo ta gana e suma ey tambe.

Tur e dianan aki e Promo Team di Raspa lo ta bishitando y treciendo ambiente na varios rebendedo rond di Aruba. Aki bo por gana varios premio tambe di Raspa door di djis entrega e ticketnan no-ganado na e Promo Team y asina gana premionan gratis.

Lotto, e loteria di Aruba awo tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y awo tambe Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.

{gallery}joomgallery/originals/raspa_26{/gallery}