Oranjestad, Aruba 14 di februari 2018. Un otro temporada di baseball Little League lo inicia pa nos hoben peloteronan na Aruba ora cu diabierna awor, Aruba Little League inaugura den forma oficial nan temporada di baseball infantil/hubenil riba nos isla cu e Ceremonia di Apertura den stadion di Nadi Croes/Crismo Angela na Sta Cruz. Baseball sin duda ta un di e deportenan mas praktica riba nos dushi isla y cada bez ta mira un crecimiento den esaki. Un factor cu sin duda a yuda na engrandese e deporte ta e campnan di baseball ofreci pa tur cu kier yuda mira e deporte bay padilanti.

Oranjestad, Aruba 12 di februari 2018: Mientras Aruba a drenta e fase final di e celebracion di nos carnaval, nos atletanan ta biaha pa exterior pa asina cumpli cu nan compromisonan den un aña cu ta premira di bira basta ocupa.

JAN2018 Baseball Congreso CartagenaOranjestad, Aruba- 18 di januari, 2018. Cada 4 aña, Little League International ta tene nan congreso mundial unda ta evalua e desaroyo di Little League baseball rond mundo. E aña aki un total di 450 miembro ta ser spera na e congreso di Little League International cu a inicia desde 1956 unda paisnan miembro rond mundo a confirma nan participacion. E proposito mayor di e Congreso Internacional aki ta evalua e programa di baseball y softball hubenil organisa pa e organisacion di baseball/softball mas grandi na mundo cu ta Little League Internacional.

JAN2018 Landamanento UANA CUP 2018 3Oranjestad, Aruba -18 di januari, 2018: E dianan 17 pa 22 di januari proximo, e seleccion di Aruba den e deporte di landamento lo tin nan prome compromiso internacional na Merca. Un total di 11 atleta a wordo escohi pa competi den e Union Americana de Natacion Cup cu lo tuma lugar e anja aki na Coral Springs, Florida. E competencia aki ta pa tur landador cu ta bini di e region y continente di America Central y Caribe como tambe Sur America. Mester bisa cu nos seleccion lo competi den tres categoria di age-group esta 11-12, 13-14, y 15-17. E grupo hubenil den e edad di 15-17 anja ta Elisabeth Timmer, Brandon Cheong y Daniel Jacobs, e tres atletanan aki ta haya subsidio pa e competencia mirando tambe cu nan ta den pleno preparacion pa nan clasificacion pa e Weganan Olimpico Hubenil Buenos Aires 2018.

JAN2018 Triathlon 1Oranjestad, Aruba - 18 di januari, 2018: Diasabra 27 di januari proximo, Aruba Triathlon Association lo organisa nan prome actividad pa loke ta e calendario deportivo di aña 2018. Manera custumber e federacion di triatlon lo habri e aña cu un Warm-up Sprint Triathlon pa tur e fiel amantenan di landamento, core bicicleta y core na pia. E actividad di Warm-up Sprint Triathlon lo inicia pa 7or di mainta na Boca Catalina unda cu por spera un cantidad grandi di competidornan den tur edad y categoria y asina engrandese e prome actividad di aña 2017.

DMC Firewall is developed by Dean Marshall Consultancy Ltd