Di e cantidad di ganadonan, ya un total di 11 ganado a presenta pa reclama nan premio. Tur di nan a expresa nan alegria pa e premio aki, cu ta bini na un bon momento. Ta interesante pa menciona cu 11 di e ganadonan tin 11 storia diferente y tur tin un plan diferente pa cu e placa cu awor nan a gana sin spera.

Everald vd B. a duna di conoce cu 8 hende na e compania di construccion MNO Vervat a cumpra "Lotto di Dia" den grupo. E cumpramento den grupo aki a bira un custumber bou di e coleganan den e compania, asina cu e premio di Lotto crece. Cada un a pone 10 florin y awo nan lo parti e premio den 8 cumprado. A cumpra e "Lotto di Dia" na Shahai Take Away.

Roycie P. A gana hungado un number estilo "Lotto Loco". E ta hunga weganan di Lotto tur dia. Cu e placa e lo hiba su yiu muhe di compras pa entre otro un celular nobo. E ticket ganado aki a wordo cumpra na Lucky Numbers.

Un otro ganador ta Marjorie C, e ta hunga Lotto Di Dia TUR dia. E lo uza e placa aki pa drecha su auto y tambe pa regalo pa su yiunan chikito. El a duna di conoce cu semper e ta wak sorteo na television. El a cumpra su numbernan loco na Caronz Lottery.

Carolina D. a cumpra e numbernan vast di su mama y tata. Normalmente semper su mayornan ta cumpra y ora nan no por nan ta bis'e. E mes ta pasa man cu nan ticketnan bieu y cumpra e numbernan vast di su mayornan. E placa lo wordo bon uza pa busca salud di e mama. E ticket ganado a wordo cumpra na Rina Highway.

Ora a puntra Omaira D., el a laga sa cu el a cumpra masha hopi ticket loco y ta un fiel hungado di Lotto Di Dia, Mini Mega y Lotto 5. E placa no tin un destino ainda, pero sigur e lo ta pa tapa un par di buraco. El a cumpra e ticket ganado na The IceBerg.

Kevin B. A conta cu su chick a cumpra e ticket cu numbernan vast di cumpleaños di famianan. Nan liña ta na awa cada biaha cu e tin un chens pa pasa cumpra su ticketnan. E ta hopi contento hopi contento cu e premio. El a cumpra su ticket na Hot Spot.

Alicia R. a splica cu el a cancela e ticket cu e numbernan ganado ariba paso el a pensa cu ya caba el a cumpra hopi ticket y cu e number 30 tabata mucho grandi y lo no sali. El a mustra e ticket cu e numbernan ganado ariba cu a keda cancela. Asina mes e ta hopi contento cu su premio y lo drecha cas cu esaki. E semper ta wak e sorteo na television, el a bisa. El a cumpra e ticket na Cadena Alexander na Paradera.

Ivan K. tambe a gana su Lotto Di Dia. El a bisa cu e ta gusta varia na unda e ta cumpra su ticketnan y semper e ta cumpra e numbernan loco y el a cumpra basta hopi pa e sorteo aki. Ora e tabata check tur su ticketnan un pa un pa riba lottoaruba.com pa wak si e la gana algo, e ultimo ticket cu el a revisa a resulta di ta esun ganado. Ivan a cumpra su ticket na Lucky Bini Bini.

Andre T. y su chick ta fiel hungado di Lotto y un ticket loco a resulta di ta esun ganado pa nan. Nan ta hopi contento cu nan premio. Cadena Alexander Paradera tabata e luga unda nan a bay pa purba nan suerte.

Doris F.P. su yiu muhe a yama for di Santo Domingo pa bisa cu el a soña cu e numbernan y e señora a dicidi di cumpra e numbernan aki cu a resulta di ta ganado. Doris a indica cu e ta cumpra hopi Lotto y den pasado e tabata un di e ganadonan di e di dos premio di Mini Mega caba tempo cu e tabata 1.6 miyon na April 2012. Tur anochi e ta sigui e sorteo na TeleAruba, Canal 13. Cu e placa cu el a gana e ta bai paga e cas cu el a cumpra na su pais. El a cumpra su ticket na Bo Skina di Suerte.

Finalmente, Zacharias d.l. C. ta fiel hungado y semper ta cumpra Lotto Di Dia, Mini Mega, Lotto 5 y Facilito. E placa aki e lo uza pa duna su tres yiu regalo ora nan bay over. E ta haya e resultadonan riba su telefon di masnoticia.com. E numbernan tabata loco cumpra na Jackpot Joy. Lotto, e Loteria di Aruba ta masha contento di un biaha mas haci e soño di hopi hende den nos comunidad un realidad.

Lotto, e loteria di Aruba tin 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.

{gallery}joomgallery/originals/lotto_di_dia_22_winner__25{/gallery}