News
Big 4 tambe ta partiendo premio na su hungadonan
- Details
ORANJESTAD, Aruba – 12 di maart 2013: Lotto, e loteria cu ta cambiando bida di su hungadonan, a conoce otro ganado feliz cu e wega di BIG 4. E biaha aki ta trata di Monica C., cu ta un otro hungado fiel tambe, cu semper ta purba su suerte cu e wega aki y awo si el a logra saca su combinacion fiho cu e ta hunga tur biaha. Monica semper ta cumpra su ticketnan di Big 4 cu masha ilusion y speransa y semper ta hunga e combinacionnan di 0811 of 1108. Nunca e por a pensa cu cumprando su ticket, na Bon Suerte Morgenster, di berdad a dun’e e tremendo suerte di gana 10 mil florin hungando Big 4, ya cu 0811 a sali den cabes. Monica a indica cu e placa aki, e lo uza pa bay continua su estudio.
Big 4 ta sigui haci mas hungado feliz
- Details
ORANJESTAD, Aruba – 12 di maart 2013: E racha di parti premio ta sigui cu e wega di Big 4 di Lotto, e loteria di Aruba, cu atrobe ta haci su hungadonan super feliz na momento cu nan logra e combinacion perfecto. E biaha aki Big 4 a score cu Migdalia B. cu tambe a bira un hungado mas cu Lotto ta cambia su bida, ora cu el a logra combina e numbernan di su ticket cu esunnan cu a sali anochi na television. Migdalia B. a pasa busca su check gordo di 28.500 florin, unda cu el a cumpra su ticket y inverti solamente 5 florin na Why Me Shack na San Nicolas. Migdalia sigur tin un bon destino pa su premio gordo y lo bay disfruta di dje.
Big 4 ta conoce otro ganado di 10 mil florin
- Details
ORANJESTAD, Aruba – 11 di Maart 2013: E wega BIG 4 di Lotto tambe tin su hungadonan fiho, cu diariamente ta purba nan suerte pa gana un balente suma. Esey mes tabata e caso cerca Arcadio, cu ta hunga su numbernan fiho, cu e speransa di gana semper. Arcadio, semper ta hunga su numbernan vast, esta 2271, unda el a logra gana 10 mil florin cumprando 2 pida! Mas cu claro, e ta hopi contento cu e premio aki cu el a cumpra na Shahai Take Away y awo sigur e lo haci bon uzo di e placa cu el a gana cu Lotto.
Hungado a gana 12.500 mil florin hungando Zodiac
- Details
Oranjestad, Aruba - 12 di maart: No ta importa den cua luna nos drenta, paso Lotto, e loteria di Aruba, ta sigui haci su hungadonan feliz y ta cambiando bida di un cantidad grandi di nos hendenan. Apenas nos a drenta den luna di maart y ya Lotto, ta conoce otro feliz ganado di un di su weganan. Un di weganan masha gusta y hunga pa e clientenan di Lotto, ta e famoso wega di Zodiac, cu ta permiti e hungadonan hunga 4 number den combinacion cu un signo y gana tremendo premio. Señora Hedwig a resulta e ganado e biaha aki cu e wega di Zodiac diabierna 1 di maart ultimo. E numbernan cu el a gana cu ne, ta fecha di nacemento di su subrina su casa y el a cumpra su ticket na Lucky Numbers, situa na Sasaki.
Tic Tac Toe clausurando e wega cu 3 feliz ganado
- Details
Siman pasa un cantidad grandi di hungado di Lotto, tabata buscando nan ticket pa e ultimo wega di Tic Tac Toe, cu a yega na su final y mester a conoce un feliz ganado di e jackpot grandi. Tabatin un sintonia total 9’or di anochi, unda cu varios famia y amistad a sinta hunto pa hunga e ultimo wega di Tic Tac Toe. Na final a resulta cu Lotto no tabatin1 ganado, pero 3 ganado feliz di e wega tan gusta aki. Den e ultimo dianan aki tur tres hungado ya a pasa reclama nan premio caba, cu e numbernan ganado; 01-02-08-11-18-19-20.
Oficina di Lotto na San Nicolas ta cera diabierna
- Details
ORANJESTAD, Aruba – 7 di maart 2013: Lotto, e loteria di Aruba, ta informa tur su hungadonan cu nan oficina na San Nicolas lo ta cera diabierna 8 di maart. Esaki ta en conexion cu training pa su trahadonan. Oficina na Playa si ta sigui traha den e oranan normal, pues pa cualkier servicio, por pasa libremente na oficina di Lotto, situa den Paardenbaaistraat. Riba dialuna 11 di maart 2013, oficina di San Nicolas lo ta habri na su orario normal. Lotto ta pidi disculpa pa cualkier inconvencia cu esaki por causa.
Wega promocional Tic Tac Toe yegando su final
- Details
ORANJESTAD, Aruba – 27 di februari 2013: Un wega cu sigur a acapara atencion di hopi hungado, tabata e wega promocional TIC-TAC-TOE, di Lotto, pero lastimamente ta bay termina. E wega TIC-TAC-TOE a crece den popularidad entre e weganan di Lotto, ya cu e tabata un wega cu por a hung’e den un ambiente familiar of di amistad. Hopi hende a sinta hunto den e oranan di anochi, pa wak cua ta e numbernan cu ta sali y asina wak ken ta logra marca mas liña. Un wega cu a drenta den varios hogar y sigur a haci varios hungado feliz.
Nathali tambe a bin busca su check na oficina di Lotto
- Details
Siman pasa, Lotto, e loteria di Aruba, tabata hopi contento di por a haci 2 hungado feliz, cu nan wega di Zodiac. Pero tabata falta un di e hungadonan pa tambe reclama su premio di Afl. 12.500,- y dialuna e hungado a pasa oficina di Lotto, pa reclama su bunita check.E fiel hungado Nathali S.I. tabata hopi contento mes, ora cu su numbernan vast a sali diaranson 20 di februari ultimo. El a cumpra su ticket na You Win Lottery y e no por a kere cu ta su numbernan vast t’esun cu a resulta como ganado. Ainda e no sa kico e ta bay haci cu e placa cu el gana cu su wega Zodiac, pero parti di dje sigur ta destina pa dal un trip y disfruta un poco.
Hungado fiel a gana cu Lotto di Dia
- Details
ORANJESTAD , Aruba - 19 di februari 2013: Un otro hungado fiel di Lotto di Dia, esta Felipe B.,tambe ta bay riba e lista di e ganadonan di luna di februari cu Lotto, e loteria di Aruba, cu diariamente ta cambiando bida di su hungadonan. Felipe cu semper ta hunga e number fiho; 08-14-16-19-30, a resulta e ganado di Lotto di Dia di diadomingo 17 di februari. El a gana e bunita suma di 64.000,- cumprando su ticket na Mandigo’s Snack, unda e ta gusta cumpra su numbernan, pasobra aki e por bebe su koffie trankil y cumpra su weganan preferi di Lotto.Orario di oficina di Lotto ta cambia diaranson 20 di Februari
- Details
Pa motibo di training pa personalORANJESTAD, Aruba - 19 di januari 2013: Lotto, e loteria di Aruba ta informa na su clientenan cu su 2 oficinanan lo ta cera riba diaranson 20 di februari debi na un training pa su personal. E oficina situa den Paardenbaaistraat na Oranjestad ta cera for di 9’or di mainta te 1or di merdia y esun situa den caya grandi di San Nicolas lo ta cera for di 8’or di mainta te 1or di merdia. Lotto ta pidi disculpa pa cualkier inconveniencia, pero den oranan di merdia e oficinanan ta habri atrobe pa por sigui sirbi tur su clientenan.
2 Hungado feliz di Lotto di Dia y Wega di number korsou
- Details
Lotto, e loteria number uno di Aruba, ta sigui cambia bida di su hungadonan y e biaha aki 2 hungado a logra bay cu un bunita suma, hungando nan wega preferi di Lotto. Maximo L.R. a resulta e feliz ganado dia 1 di februari ultimo, hungando e wega Lotto di Dia, cu e numbernan 04-08-17-25-28 na Cura Cabay Lottery. Mas cu claro, Maximo ta sumamente contento cu el a gana 54 mil florin, ya cu sigur e lo por realisa algun di su deseonan pa 2013, danki na Lotto.
