News
Lotto lo transmiti su sorteo pa 6or di atari riba diabierna 27 di September
- Details
ORANJESTAD, Aruba – 26 di september 2013: Diabierna awo ta un dia di sumo importancia pa e pueblo di Aruba y Lotto, como e loteria di Aruba, ta desea di informa tur su hungadonan di lo siguiente. Hopi hungado lo purba nan suerte cu diferente combinacion di number e dia aki, mirando cu e ta un fecha importante pa Aruba, p'esey mes Lotto a dicidi di laga su sorteo di parti merdia sigui normal pa 2:30, pero e sorteo di anochi lo cambia orario y ta pasa pa 6or di atardi riba e diabierna aki. Esaki ta nifica cu benta di tur rebendo di Lotto ta cera pa 5.45 di atardi, pues pasa cumpra bo numbernan di suerte prome cu 5.45 diabierna atardi.
A gana 30 mil florín den luna di September hungando Big 4
- Details
ORANJESTAD, Aruba – 23 di September 2013: Tin hungado cu realmente tin suerte y nan no ta keda sin tira nan liña na awa, apesar cu den pasado ya nan a gana. Tin hasta creencia cu e suerte di un ganado por ripiti y esey ta netamente e caso di Albertis M. cu a bolbe gana cu e wega di Big 4 di Lotto. Dia 10 di september ultimo Albertis a gana e tremendo suma di 15 mil florin cu e wega di Big 4, cu e bunita numbernan 1818 y mas cu claro, el a sigui hunga y dia 15 di september ultimo, el a bolbe gana 15 mil florin cu e wega di Big 4, pero e biaha aki cu e numbernan 1152.
Hungando Big 4 a gana premio di 10 mil florin
- Details
ORANJESTAD, Aruba – 20 di September: Lotto ta sigui cambia bida di su hungadonan na momento cu nan hunga cualkier di nan 8 weganan y logra saca e combinacion perfecto. E biaha aki ta trata di hungado Gilberto B. cu a gana e balente suma di 10 florin, cumprando su ticket di e wega di Big 4, pa e sorteo di merdia.
Lotto di Dia cu 26 ganado di 5.769 florín ariba dialuna 2 di September
- Details
ORANJESTAD, Aruba – 12 di september 2013: Un premio cu hopi hende sigur no a spera, tabata esun di e wega di Lotto di Dia, di dialuna 2 di september ultimo. E wega di Lotto, esta Lotto di Dia, a 'roll down' riba e dialuna ey y esaki kiermen cu riba e dia ey, 150 mil florin mester a bay na un of mas ganado. Tabata obvio cu nos hendenan ta gusta hunga e wega di Lotto di Dia, ya cu tabatin un total di 26 ganado, cu a gana cu match 4. Cada un di e 26 hungadonan ey a gana e tremendo suma di 5.769 florin, cu sigur a cay nan hopi bon.
Yaldo ta bira e feliz ganado di 25.250 florin cu Zodiac
- Details
ORANJESTAD, Aruba – 10 di september 2013: E wega di Zodiac di Lotto, e loteria di Aruba, ta sigui haci su hungadonan feliz, na momento cu nan logra saca e combinacion perfecto di number y signo. Diahuebs 5 di september ultimo, Yaldo, cu ta un fiel hungado di Zodiac y ta hungando e number di 0107 pa hopi aña caba. Tur merdia y anochi e ta cumpra e combinacion ey hunto cu e signo Cancer, cu ta e fecha ta representa su fecha di cumpleaño. Den pasado ya el a yega di gana caba, cu e mesun number, pero cu otro signo.
Zodiac a paga 12.500 na Norma C
- Details
ORANJESTAD, Aruba – 9 di september 2013: A base diario Lotto, e loteria di Aruba ta paga sumanan halto na premio pa su diferente weganan di number. No mucho tempo pasa e fiel hungado Norma C. a gana 12.500 florin hungando su wega preferi di Lotto, esta Zodiac. El a gana e bunita premio aki cumprando su "Zodiac" na e oficina di number Kiko Ta Kiko Try Your Luck. Na momento di cobra su premio, el a sigura di lo haci bon uzo di e placa cu el a gana cu Lotto.
Ramon a logra haci e perfecto combinación di Lotto 5
- Details
ORANJESTAD, Aruba 4 di September 2013: Lotto ta sigui haci su hungadonan feliz y ta hopi contento di por entrega un check cu un suma hopi grandi na un di su hungadonan. Ya ta demostra cu no ta importa cua di e 8 weganan di Lotto nan scoge pa hunga, importante ta pa bo tin bo linea na awa y asina tin e oportunidad di gana placa sigur.
Fecha di nacemento a percura pa regalo adelanta
- Details
ORANJESTAD, Aruba - 2 di september 2013: E casa di Elizabeth B. a dicidi di cuminsa hunga e numbernan di e fecha di nacemento for di awor caba, adelantando su hacimento di aña di dia 14 di november proximo. Dialuna ultimo, el a topa cu un auto su dilanti cu e number cu e ta hunga y a dicidi di cumpr'e na e wega di Zodiac di Lotto.
Anochi hunto cu su señora nan tabata wak sorteo di Lotto y a ripara cu a logra e combinacion perfecto hungando e number 5414 cu signo Scorpio di dje y su casa, na Mandingo's Snack. El a logra gana e bunita suma di Afl. 12.500 cu a haci e pareha masha contento! Asina awo nan por bay hasi un bon uso di e placa cu a toca nan awo.
Ticket loco di Zodiac a paga 25 mil florin na premio
- Details
ORANJESTAD, Aruba - 30 di augustus 2013: Hopi hungado di Lotto ta gusta purba nan suerte cu e ticketnan loco di cualkier di e weganan di Lotto, ya cu na varios ocasion, e hungadonan a gana cu ticket loco. Mohamed tambe ta un di e hungadonan cu semper ta cumpra tur su weganan di Lotto cu e ticketnan loco y awo suerte a toca su porta.
Otro feliz ganado cu su numbernan fiho cu Mini Mega
- Details
ORANJESTAD, Aruba – 29 di augustus 2013: Lotto su weganan ta sigui causa furor y felicidad cerca su hungadonan y e biaha aki, e wega di Mini Mega, durante e sorteo di 16 di augustus tabatin un feliz ganado di e di dos premio. Sra. Maria V.V. ta un otro fiel hungado di Mini Mega, cu su numbernan fiho 02-08-11-25. Pa e sorteo aki, Maria a haci uzo di e promocion di Lotto su wega di Mini Mega, unda cu el a pone 2 florin mas, pa cumpra su Mega Plus ticket y casi a dal e premio grandi.
Cambiando bida di Dionisio cu e wega di Zodiac
- Details
ORANJESTAD, Aruba - 21 di augustus 2013: No tin un satisfaccion y alegria mas grandi pa Lotto, ora cu nan haci nan hungadonan feliz y por contribui na cambio den nan bida pa uno cu tanto nan ta anhela of soña. Esey mes tabata e caso cu Dionisio, cu tambe ta cumpra su weganan di Lotto fielmente, specialmente e wega di Zodiac.
