Ramona ta hopi contento cu e premio aki di Lotto y a pasa busca su check di Lotto di Dia na oficina principal di Lotto, cu el a gana cumprando na Roos Lottery. El a conta cu e ta bay regala su 4 yiunan algo di e premio aki, como tambe paga algun debe y disfruta di un dushi vakantie y si sobra algo, e ta pon'e riba banco. Sra. Ramona ta un fiel hungado di e weganan di Lotto y tambe ta gusta purba su suerte cu e wega dibertido di Raspa.

Hopi aña pasa el a yega di gana 40 florin un par di biaha, pero esaki ta e prome biaha cu e ta gana un jackpot asina grandi di 68 mil florin y a sigura cu e lo sigui hunga e weganan di Lotto, cu realmente ta cambiando bida di su hungadonan y ta aporta na deporte di nos pais.