Ya na e di dos ticket el a ripara cu ta e mes a gana e premio miyonario aki, di 1.1 miyon florin. Djei e la bin oficina di Lotto na Paardenbaaistraat 10 mes ora. Nady lo tin hopi y diferente bon uzo pa e premio miyonario aki y tambe e lo bay un bon vakantie na Las Vegas.

Pa Lotto di Aruba, esaki ta e di dos ganado cu ta gana un premio miyonario e aña aki, demostrando asina cu Lotto ta sigui cambia bida di su ganadonan. 10 di Mei ultimo a conoce e prome ganado cu Lotto a haci miyonario den anja 2013, cu e suma grandi di 1.050.000 florin cumpra na Rey Hing Supermarket na Savaneta. E loteria di Aruba di e forma aki ta inverti den nos propio economia pasobra mayoria di e ganadonan ta gasta e cen aki na Aruba mes. Separa di e premionan miyonario, diariamente Lotto ta paga premionan grandi na su hungadonan.

Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.