News
Hopi biaha nos ta tende hende bisa; “Ohala mi soño por bira realidad” y esey ta netamente loke cu Lotto, e loteria di Aruba a haci cu Edmar Jason Croes, di apenas 22 aña di edad. E mama di Edmar a conta cu Edmar nunca ta soña, pero e biaha aki el a soña cu e numbernan ganado 5403 y a bisa su tata. Su tata a dicidi di bay cumpra e numbernan, cu despues a resulta den e numbernan ganado di Wega di Number Korsou.
Wega di Number Korsou ta haci su entrada na Aruba oficialmente y ta awo obtenibel exclusivamente na tur kiosco di Lotto, e loteria di Aruba. Asina “Wega di Number Korsou” tambe ta contribui na deporte di nos isla y ta haci e portofolio di loterianan di Lotto Aruba mas grandi, brindando mas oportunidad di gana.
Cu e anuncio aki, Lotto y Wega di Number Korsou ta introduci tambe un tremendo promocion cu premionan espectacular manera cadeau-bon di Afl. 250 pa supermercado, cadeau-bon di Afl. 25 pa gasolin y entrada pa Cinema.
Cumpra solamente Afl. 5 of mas na Wega di Number Korsou na cualkier rebendedo di Lotto y automaticamente e cumprado ta participa pa gana un di e premionan aki "al instante". No tin mester di participa na un sorteo, pasobra e premionan ta sali hunto cu e ticket di number y unico cos cu e ganado mester haci ta pasa na oficina central di Lotto y aki e por cambia su ticket pa e premio.
Awo, cu Lotto como su rebendedo oficial, Wega di Number Korsou tambe ta duna bek na nos comunidad na beneficio di nos deportistanan y deporte en general.
Lotto, e loteria di Aruba cu su weganan popular Lotto 5, Lotto di Dia, Mini Mega, Zodiac, Big 4 y Catochi 4, awo tin mas opcion pa hunga y gana premio y regalo cu Wega di Number Korsou tambe. Fundacion Lotto pa Deporte ta existi desde 3 di december 1982 y desde siman pasa tin un imagen nobo, cla pa sigui crece y cambia bida di su ganadonan.
Lotto, e loteria di Aruba ta hopi contento di a entrega premionan grandi na 3 feliz ganado di 2 diferente wega. Mightel Faro ta e prome cu a gana e Mini Mega di 360 mil florin dia 5 di october, hungando e numbernan loco. Semper e ta cumpra su ticket di Mini Mega na Negro Diamante, situa na Kudawecha. E numbernan ganado tabata 10-14-20-21 y e Mega Ball tabata 13. Mightel ta traha na Aeropuerto y ta sinti’e hopi contento mes cu awor e por hinca placa, primordialmente, den su cas.
“E ta un placer pa nos parti tanto premio asina. After all, esey ta henter nos plan, esta pa cambia bida di nos hungadonan”, asina Patrick Fortin, gerente di mercadeo di Lotto a duna di conoce. E ta referi na e tantisimo premionan cu e loteria di Aruba a parti e ultimo simannan aki, balora riba 1 miyon florin. “Esaki ta sirbi como un muestra di cuanto placa nos ta paga na premio pero tambe e ta bisa algo di e sosten cu Lotto ta conta cune den pueblo”, di acuerdo cu Fortin.
Lotto, e loteria di Aruba ta sigui ofrece comunidad weganan di Lotto y di catochi cu ta paga bon y di cual ganashi ta bay bek den deporte. E sorteo di Mini Mega, cu algun luna atras a haci un famia miyonario, awor atrobe ta creciendo den premio te cu a alcansa 800 mil florin pa diamars awo.
E sorteo cu tin tur hende ariba un suspenso pa ken lo por bira e siguiente miyonario di Aruba a keda aden. Diabierna tabata un dia cu hopi hende a sali pa cumpra nan Minimega pa asina nan tambe ta den wega pa por bay cu premio grandi aki. Diabierna no tabata tin ningun ganado pa e prome premio, pero tabata tin 4 ganado pa di dos premio y 26 ganado pa di tres premio.
Lotto, E loteria di Aruba kier a anuncia cu awe Diabierna 17 di Februari pa e sorteo di Lotto di Dia ta bay tin ganador sigur. Bishita bo rebendedor preferi of cualkier rebendedor y cumpra bo numbernan cu bo ta hunga vast of pidi pa un loco. Si no tin ganador cu 5 numbernan, automaticamente e jackpot di 150 Mil ta bay pa e ganador cu tin e 4 numbernan bon.
Un par di dia pasa, Damaris Ridderstap di Lotto a bisa: “Nos ta buscando un ganado di mey miyon florin cu te ainda no a pasa busca su check”. Y awo porfin Lotto, e loteria di Aruba, a cera conoci cu e feliz hungado di Mini Mega, cu a gana e balente suma di 500 mil florin.
Despues cu Lotto a introduci nan imagen nobo y tambe despues cu nan a bira e representante oficial di “Wega di Number Korsou”, awo Lotto ta brindando nan fiel hungadonan mas oportunidad pa por gana y haci nan soñonan bira realidad. Cu cada compra di por lo menos 50 cen na nos weganan di Big 4, Catochi of Wega di Number Korsou, ya bo ta participa den e campaña di “Cachi Cachi”.
Lotto, e loteria di Aruba, a lansa un fabuloso campaña pa tur su clientenan, cu a haya e nomber di “Cachi Cachi”. Tur hungado di wega di Catochi, Wega di Number Korsou y Big 4 tin un chens extra pa gana 1000 florin tur dia durante luna di September!
“Nos ta buscando e ganado di mey miyon florin cu te ainda no a pasa buska su check di mey miyon florin”, asina Damaris Ridderstap a bisa. Lotto, e loteria di Aruba tin un check di 500 mil florin cla pa entrega, pero ta e nomber pa pone riba dje so nan falta. Ta trata aki di e ganado di e premio grandi di Mini Mega di siman pasa diabierna dia 31 di augustus ultimo.