News
ORANJESTAD, Aruba – 16 di augustus 2013: Lotto, e loteria di Aruba, semper ta buscando e forma pa consenti su clientenan y alabes informa nan di diferente promocion y oferta unico pa nan bira un ganado sigur y feliz cu un di e nan weganan. Durante e oranan di mainta y atardi, Lotto y su team dinamico di promocion, a bishita varios stacion di radio, pa sigui informa tur hende tocante e tremendo adicion di e sorteo di Mini Mega, esta e Mega Plus.
ORANJESTAD, Aruba 14 Aug - Zodiac ta un di su weganan preferi y Kevin G. semper ta den wega. Cada tanto tempo e ta cambia su combinacion di number y recientemente a dicidi di pone 50 cen riba number 4323, combina cu signo Leo. Manera di custumber tur mainta e ta pasa check su numbernan na Tele Uno, cual tambe ta su rebendedo faborito.
ORANJESTAD, Aruba – 9 di augustus 2013: Diabierna siman pasa Mini Mega a conoce ganado di su di dos premio, den persona di Jean Marc, un hungado cu a cumpra su Lotto na B Through Lottery, cual recientemente a habri su portanan na Tarabana.
Semper Jean Marc ta tira su liña na awa y e biaha aki el a cumpra dos ticket di Mini Mega, uno cu su numbernan vast y uno loco. Cu e ultimo aki el a gana e di dos premio di Mini Mega, cual tabata e dia ey Afl. 16.614.
ORANJESTAD, Aruba – 7 di Aug 2013: No tin un wega di Lotto cu nan no ta hunga y nan ta corda tur dia pa pasa cumpra nan Lotto na un rebendedo pa ta sigur cu nan liña ta na awa. Sra. Gladys d.C. y su casa cumpra un combinacion di e fechanan di nacemento di nan cuater nietonan, cual ta 08-11-15-24 y a bira e felis ganadonan di 58 mil florin!
ORANJESTAD, Aruba - 6 Aug 2013: Pa prome biaha for di dia cu Lotto a reintroduci Raspa y Gana, Sr. Kelly a cumpra dos ticket di Raspa na Angochi Lottery. Cu un di e ticketnan el a gana Afl. 2 y mesora a cambi'e pa un di tres ticket. El a scoge e wega Diamonds 2X tur biaha.
El a warda te ora el a yega cas y su señora a raspa e di tres ticket. Pa nan gran sorpresa y alegria, e montante di placa indica riba e ticket a "match" un di e premio mayo nan di Diamonds 2X, cual ta 5 MIL florin!
ORANJESTAD, Aruba – 6 di Aug 2013: Lotto di Aruba ta contento di por anuncia cu Maria V., a gana e premio mayor di Mini Mega di dia 2 di augustus ultimo. Diabierna señora Maria a pasa cumpra su Mini Mega na Lucky Lotto Center pa ta sigur cu e ta den wega y satisfecho cu su liña ta na awa, el a sigui su dia manera planea. Algun ora despues, su bida a cambia!
ORANJESTAD, Aruba – 31 di juli 2013: Un fiel cumprado di Zodiac, kende tin hopi aña ta cumpra su number di auto y su signo na Mandingo Snack a resulta e felis ganado di 87.500 florin e siman aki. Como cu e persona cu semper ta atende na Mandingo Snack sa e number vast di e cliente, el a yama e felis ganado pa dun'e e bon noticia: 2640 Piscis a gana Afl. 87.500 cu un inversion di apenas Afl. 3,50.
ORANJESTAD, Aruba – 31 di july 2013: Lotto constantemente ta bin cu incentiva y idea pa brinda su hungadonan mas oportunidad di gana mas y bira un feliz ganado di Lotto, e loteria di Aruba. E wega asina popular y gusta di Mini Mega, cu ya a cambia asina hopi bida di su hungadonan, ta bolbe bin cu un incentiva extra, unda cu e hungadonan por gana extra placa riba su jackpot progresivo.
ORANJESTAD, Aruba – 26 di juli 2013: E Mini Mega di diamars pasa tabatin hopi hende pendiente di e sorteo, cual ta tuma luga pa 9or di anochi na Tele Aruba. Ora e premio crece bira asina grandi, hungadonan fiel ta para na rij pa cumpra nan ticketnan y ta intercambia deseo pa "suerte" cu otro.
ORANJESTAD, Aruba - 25 di Juli 2013: Lotto, e Loteria di Aruba ta sigui cambia bida di su ganadonan! Awor a toca turno na e hungado di Mini Mega, Ruthceline Z. kende a gana e di dos premio cu e bunita suma di Afl. 24.960,=. El a cumpra su ticket ganado na Chebby's Lottery na Ponton. Pero pa sigura cu su liña tabata na awa, el a dicidi di cumpra diferente ticket na diferente luga rond di Aruba. Tur ticket tabata loco y esaki a dun'e e suerte di bira awe un ganado masha contento mes.
ORANJESTAD, Aruba 23 di Juli 2013: Lotto, e Loteria di Aruba ta anuncia cu pa awe diamars 23 di Juli, e jackpot di Mini Mega a alcansa e bunita suma di 750.000 florin y e bon di esaki ta cu abo por bira e feliz ganado. Lotto, e loteria di Aruba kier pa bo liña ta na awa y pa esaki bo mester pasa awe mes na bo rebendedo preferi. Sorteo di Mini Mega ta awe nochi na TeleAruba, Canal 13 pa 9'or di anochi.
