News
ORANJESTAD, Aruba – diamars, 24 di januari, 2017: Den luna di januari 2017 1 empleado di Lotto a celebra aniversario grandi di 15 aña. Juan (Bulto) Arrindell a celebra su di 15 aniversario den servicio cu Lotto, E Loteria di Aruba.
ORANJESTAD, Aruba - 24 di januari, 2017: Lotto ta anuncia cu diaranson dia 25 di januari proximo, nos oficina situa na San Nicolaas y Playa lo ta sera. Lo no tin e sorteo di Lotto na Telearuba, ni Merdia y ni Anochi! Ta bon pa nos clientenan fiel tene bon cuenta cu e cambio aki. Tur sorteo lo sigui normal riba diahuebs 26 di januari, 2017.
ORANJESTAD, Aruba – 24 di januari, 2017: E feliz ganado di e suma extra-miyonario di 3.150.000 miyon florin a acerca Abogado Chris Lejuez pa cobra e premio p’e, y asina e ganado mes keda anonimo. E abogado a presenta cu e ticket ganado y a ser firma door di dje mes, di acuerdo cu esaki Lotto a pasa e suma pa e abogado, cu lo pase na su luga pa su cliente. E ticket ganado wordo bendi na Lucky Mac na Santa Cruz riba 20 di december. Algo remarcabel ta cu e ticket a resulta di ta un Free Ticket cu e wordo upgrade pa un Mega Plus, cu just 2 florin.
ORANJESTAD, Aruba – 18 di januari, 2017: E sorteo di e weganan di 4 cifra, cu ta tuma luga live na Telearuba, den e oranan di merdia y anochi, ta permiti cu hopi mas hungado por tin mas chens pa gana. Durante e sorteo di Zodiac di Merdia di diadomingo ultimo, un di e hungadonan di Lotto, cu a dicidi di cumpra su numbernan pa sorteo di merdia, a gana 250.000 florin.
ORANJESTAD, Aruba – 17 di januari, 2017: Wilhelmo pa pasa oficina cu e ticket ganado di 25 mil florin cu Big 4. E la cumpra 5 florin na su numbernan, 2319, na Lucky Budha Center y a gana, durante se sorteo di Merdia riba diadomingo. Ya dialuna e la pasa cobra su premio na oficina principal di Lotto, na Paardenbaaistraat 10.
ORANJESTAD, Aruba – 14 di januari, 2017: Lotto, e loteria di Aruba a entrega un tremendo suma como premio di Lotto Di Dia na e hungado Cornelia V. El a gana 150.000,=, riba diahuebs 29 di december, 2016. E dia cu Lotto a dicidi di “Los E Tiro” di fin di aña y a manda e jackpot di Lotto Di Dia na su suma maximo, esta di 150.000 florin. Riba e dia aki garantisa Lotto a parti 150 mil florin. Cornelia a cumpra su numbernan di suerte, 01-03-09-17-23, na Bloemond Lottery.
ORANJESTAD, Aruba – 13 di januari, 2017: E ganado di e premio miyonario di Mini Mega, den combinacion cu Mega Plus di dia 20 di december, 2016, ainda no a bira conoci! E premio a wordo gana pa 1 persona, cual a cumpra e ticket di suerte na Lucky Mac, na Santa Cruz. E numbernan ganado ta 04-12-23-27 cu Mega Ball 14.
ORANJESTAD, Aruba 11 di januari, 2017: E ganado di e jackpot di Lotto 5 cu e tremendo suma di 520 mil florin a bira conoci, ta trata di Jonathan P. E la pasa busca su check na oficina di Lotto riba dia 5 di januari, 2017. E la pasa cumpra su numbernan di suerte, 02-06-13-21-22 na Quick Luck Lottery, riba 30 di december, 2016.
ORANJESTAD, Aruba – 11 di januari, 2017: Despues cu a cuminsa cu e campaña riba 31 di october, awe a saca e nombernan ganado durante e sorteo di Merdia di Lotto. E weganan participante tawata Gold Rush, Bonus Jackpot y Ten Times the Money. Durante e campaña mester a pega un ticket no-ganado di Gold Rush cu un di Bonus Jackpot na otro of pega un di Gold Rush y un di Ten Times the Money na otro y deposita esakinan serca un rebendedo.
ORANJESTAD, Aruba - 24 di december, 2016: Lotto, E Loteria di Aruba kier anuncia cu pa e temporada aki ta bay tin un orario adapta pa loke ta e sorteonan y orario di oficinanan na Oranjestad y San Nicolaas. E orario di sorteo pa e dianan di fiesta ta e siguiente:
• 24 di december 2016 tin un sorteo, di Anochi, cu lo tuma lugar 6:30PM, bo por cumpra tickets te cu 6.15PM. Dia 25 y 26 di december no tin sorteo. Dia 27, 28, 29 y 30 di december 2016: Sorteo ta normal 2:30PM y 9:00PM.
ORANJESTAD, Aruba – 22 di december, 2016: Lotto, e loteria di Aruba a entrega dos check di e bunita suma di 75.000 florin cada un, na e dos ganadonan di e rolldown di Lotto Di Dia di 8 di december, 2016. Teodulo a cumpra su ticket loco na Indio Stewart Lottery San Nicolas y Ramon a cumpra esun di dje na M.A. Snack Bar & Lottery.
