News
ORANJESTAD, Aruba – 12 di januari, 2018: Ayera, 11 di januari, Lotto Di Dia a yega su jackpot maximo di 150.000 florin y e la wordo gana entre 57 persona. Riba potret por mira cu ya caba algun ganado a pasa busca nan premio di Afl. 2.631,- awe. Lotto sigur ta felicita cada un di e ganadonan aki. Lotto Di Dia a wordo gana cu Match 4 cu numbernan: 03-14-22-29-30, na e siguiente rebendedonan:
ORANJESTAD, Aruba – 11 di januari, 2018: Riba 9 di januari a parti e tremendo premio di 105.000 florin na Hendrikus R. cu e la gana dialuna dia 8 di januari, 2018. E la cumpra e numbernan 1212 cu All Symbols y asina el a gana. Hendrikus a cumpra e numbernan di suerte na Yu Xia Food Center.
ORANJESTAD, Aruba – 11 di januari, 2018: E sorteo di e weganan di 4 cifra, cu ta tuma luga live na Telearuba, den e oranan di merdia y anochi, ta permiti cu hopi mas hungado por tin mas chens pa gana. Durante e sorteo di Zodiac di Merdia di dialuna ultimo, un di e fiel hungadonan di Lotto, cu a dicidi di cumpra su numbernan pa sorteo di merdia y a gana 12.500 florin.
ORANJESTAD, Aruba – 11 di januari, 2018: Un di e caracteristicanan mas gusta di Lotto di Dia ta cu e jackpot no ta surpasa 150 mil florin. Pues, ora cu e yega e suma aki, Lotto ta aplica e asina yama “rolldown” unda un, of mas, hende mester gana e jackpot. E premio tin cu bay!
ORANJESTAD, Aruba – 8 di januari, 2018: Lotto a cuminsa cu e campaña di Bashi Bonus riba 1 di December y e la termina riba 31 di december. Awe a saca e number di e ganado absoluto durante e sorteo di merdia di Lotto. E weganan participante tawata Mini Mega, Mega Plus y Lotto 5. Ticketnan mester tawatin 2 combinacion di number riba un solo ticket y ticketnan no-ganado so por a participa. Manera semper, mester a scirbi nomber, fam, adres y number di telefon riba cada ticket y deposita esakinan serca un rebendedo.
Oranjestad, Aruba – 29 di december, 2017: Geremita K. a gana e di dos premio di Mini Mega riba diabierna 22 di december. E la gana e bunita suma di Afl. 12.934,- cumprando su ticket di Mini Mega di 5 florin. Geremita ta conta cu e numbernan cu e la cumpra ta 02-06-14-18 cu Mega Ball 15. E ticket di suerte a wordo cumpra na Quick Luck Lottery na Noord.
Oranjestad, Aruba – 27 di december, 2017: Leonell G. a cumpra diferente numbernan pa cu e wega Big 4 Merdia, riba diasabra 23 di december ultimo. Y cu su suerte su numbernan a sali tambe, esta 9968. E la cumpra su numbernan na Lucky Trailer na Santa Cruz. E ta hiba e grandioso premio di 100 mil florin banco y di e manera aki lo pasa un tremendo fin di anja 2017 y habri 2018 sumamente prospero.
ORANJESTAD, Aruba – 19 december, 2017: Lotto kier haci abo un miyonario e siman prome cu Pasco. Mañan e jackpot di Mini Mega & Mega Plus ta na UN MIYON florin y abo por gana e suma aki cu solamente 7 florin pa ticket.
ORANJESTAD, Aruba – diamars, 12 di december, 2017: Lucia Angela, un empleada hopi stima di Lotto, a celebra su di 30 aniversario comienso di luna, hasiendo e asina e empleado cu mas aña na e compania. Pa sea preceis e la drenta den servicio riba 1 di december na 1987. Riba e potret por nota cu e celebracion a tuma luga na oficina di Lotto hunto cu su coleganan, cual tawata uno di dushi ambiente. Lucia di su banda a duna un hopi bunita speech recordando asina su 30 aña di servicio.
ORANJESTAD, Aruba – 12 di december, 2017: E "jackpot" di Mini Mega a keda aden un biaha mas riba diabierna y Lotto, E loteria di Aruba ta cla pa haci un hungado hopi feliz cu 850 mil florin awe 12 di December, net prome cu dianan di fiesta! Cu un jackpot cu a acumula te na e bunita suma di 600 mil florin, Lotto a aumenta e Mega Plus cu 250 mil florin extra y pa solamente 2 florin mas.
ORANJESTAD, Aruba- 8 di december, 2017: Sinterklaas a laga e 100 mil florin extra di diaranson cu a pasa den e pot di majan. E premio di Lotto 5 pa majan anochi, diasabra 9 di december, ta na 750 mil florin y cu compra di bo ticketnan di Afl. 4,- bo ta den wega pa participa y gana. Pa hunga Lotto 5 ta masha facil. Scoge bo cinco numbernan entre 1 y 35 of pidi bo rebendedo pa ticket “Loco”. Tambe bo por kies pa keda den wega cu e próximo sorteonan di Lotto 5 cu Multi Draw. Bo numbernan di suerte ta keda den wega te cu 10 sorteo venidero cu Milti Draw. Pa opcion di Combo, puntra bo rebendedo pa mas informacion.
