ORANJESTAD, Aruba – 19 di april 2013: Lotto, e Loteria di Aruba ta anuncia cu pa awe diabierna, 19 di April, Mini Mega lo tin un pot cu un bunita suma di 500.000 florin y abo por bira e feliz ganado di e suma grandi aki.

 

Ta pa e motibo aki ta encurasha tur cumprado pa pasa awe mes na bo rebendedo preferi, cumpra bo numbernan pa asina bo liña ta na awa. Sorteo di Mini Mega ta diabierna anochi na TeleAruba, Canal 13 pa 9or di anochi y Lotto kier pa abo bira e feliz ganado di mey miyon florin.

ORANJESTAD, Aruba – 16 di april 2013: Un biaha mas, Lotto ta conoce 2 ganado super feliz di e wega Big 4, cu ta masha hunga y gusta cerca nos hendenan. 

 

E biaha aki ta trata di Raymond, conoci como un di Aruba su miho hungadonan di futbol y tambe ta conoci como coach actual di entre otro, e team di futbol S.V. Estudiantes.  Remy a dicidi di  cumpra un Mini Mega na La Llave y pa e no djis kibra 100 florin cu e wega ey so, el a dicidi di agrega 2 pida di e wega Big 4, cu e numbernan 1112, cu ta un combinacion di edad cu su yiu muhe a cumpli  y e fecha di hacimento di aña di su kerido omo. Nunca el a spera cu e por a resulta den e ganado di 10 mil florin, door di djis inverti algun florin den un wega extra. 

ORANJESTAD, Aruba - 2 di April 2013: E hungadonan di e weganan di Lotto, semper ta purba nan suerte cumprando sea ta number fiho, algo cu tin di haber cu un soño, of celebracion. Esey ta netamente loke Suehail K. a haci, ya cu su primo a cumpli 27 aña y su mama ta bay cumpli 61 aña y el a dicidi di combina e numbernan aki den pura. El a cumpra su ticket di Big 4 na Dano’s Lottery y awo a resulta di ta un feliz Ganado di 15 mil florin di Lotto.

 

Mas cu claro, Suehail ta masha contento mes, pasobra e no por a spera cu combinando e numbernan aki, anto den pura, ta loke a resulta den e numbernan ganado di Lotto, e loteria di Aruba, cu ta cambiando bida di su hungadonan. 

Dia pa dia, Lotto ta sigui cambia bida di su hungadonan y diamars anochi un biaha mas, Lotto ta sumamente contento di por entrega un check na otro feliz ganado di e wega Zodiac. Egidio M.K. ta un fiel cumprado di Lotto diariamente y ta purba su suerte tanto cu e sorteo di merdia, como esun di anochi. 

 

Normalmente e ta cumpra su weganan na mesun caminda, esta Nelly Lottery, pero e biaha aki e la purba su suerte na diferente rebendedo tambe y diamars ultimo, su numbernan a sali. E numbernan ganado 7043, ta numbernan cu su doño di trabou a soña cu ne y Egidio a dicidi di purba hunga e numbernan ey, wak si suerte ta toc’e.

Si abo ta pensa cu bo kier cambia bo bida, e miho conseho ta pa bo tambe cumpra bo ticket di cualkier di e 7 weganan di Lotto, e loteria di Aruba, pasobra abo por ta siguiente ganado di un di nan weganan. Lotto ta repartiendo premio casi tur dia y ta haciendo su hungadonan feliz y ta contribui na mesun momento cu deporte en general na Aruba. 

ORANJESTAD, Aruba – 25 di maart 2013: Lotto ta sigui cambia bida di su hungadonan y e biaha aki ta entrega e check na otro ganado di Big 4, cu a gana e balente suma di 10 mil florin. Leo G. un fiel hungado di e weganan di Lotto, a gana 10 mil florin door di cumpra 2 pida di e numbernan 6011, cu el a cumpra na Gily’s Lottery. 

ORANJESTAD, Aruba – 14 di maart 2013: No tin duda, cu Lotto, e loteria di Aruba, ta sigui cambia bida di su hungadonan, na momento cu nan gana cu un di nan 7 weganan. Suerte a toca e biaha na Juanjin L. cu ta un fiel hungado di tur e weganan di Lotto y semper e ta den wega cu e numbernan cu e ta cumpra na Lucky Taurus. E biaha aki Juanjin a gana 470 mil florin hungando e wega di Lotto 5, cu sigur ta un wega masha hunga mes. 

ORANJESTAD, Aruba – 12 di maart 2013: Lotto, e loteria cu ta cambiando bida di su hungadonan, a conoce otro ganado feliz cu e wega di BIG 4. E biaha aki ta trata di Monica C., cu ta un otro hungado fiel tambe, cu semper ta purba su suerte cu e wega aki y awo si el a logra saca su combinacion fiho cu e ta hunga tur biaha. 

 

Monica semper ta cumpra su ticketnan di Big 4 cu masha ilusion y speransa y semper ta hunga e combinacionnan di 0811 of 1108. Nunca e por a pensa cu cumprando su ticket, na Bon Suerte Morgenster, di berdad a dun’e e tremendo suerte di gana 10 mil florin hungando Big 4, ya cu 0811 a sali den cabes. Monica a indica cu e placa aki, e lo uza pa bay continua su estudio. 

Read more ...