Tin dos forma pa hunga Mini Mega y Mega Plus: Pidi e rebendedo di Lotto pa un ticket Loco of scoge cuater number entre “01” te cu, y incluyendo “30” y un Mega Ball, cual ta un number entre “01” te cu y incluyendo “15”. E Mini Mega ta costa Afl. 5 y e Mega Plus solamente Afl. 2,= mas.

Percura pa bo liña ta na awa cerca cualkier rebendedo di Lotto y bo tambe ta den wega pa bira miyonario cu Mini Mega y Mega Plus awe nochi. Ya caba tin varios hungado a cuminsa soña cu e cas of auto di nan soño, un tremendo vakantie di nan soño, inverti y lanta nan mesun negoshi y asina por sigui menciona. Hecho ta cu Lotto, E Loteria di Aruba ta cla pa cambia bida di un di su hungadonan awe nochi.

Lotto, e Loteria di Aruba tin 8 diferente wega, Catochi, Big 4, Zodiac, Wega di Number Korsou, Lotto di Dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.