Relaciona cu e gran premio aki, e doño como su ayudante ta masha contento mes di ta e lugar unda a bende e ticket cu e premio grandi aki. No ta prome biaha cu ta bende ticketnan ganado. Den pasado nan a yega di bende un ticket caminda un persona a gana un premio grandi di Lotto 5. Na varios otro ocasion a bende ticketnan ganado di Zodiac cu premio di 25 mil florin.

Loke ta di e premionan di e simannan aki tabatata lo siguiente: Diamars siman pasa tabatin dos ganado di e di dos premio di Mini Mega. Euro Lottery a bende un di nan, na e pareha cu a bay viaha den Sur America. Pa loke ta trata diabierna, e dia cu e 2.4 miyon a wordo gana, Euro Lottery a bolbe bende e segundo premio cual tabatin 6 ganado. Pa loke ta trata e di 3 premio tambe a bende tres ticket ganado. Ta parce cu e suerte definitvamente tabata na Euro Lottery den e dianan aki!

E doño a splica con e ta gusta haci treats riba diabierna ora cu Mini Mega ta halto. E clientenan ta gusta e ambiente cu semper tin na Euro Lottery. Tambe e sa haci diferente tipo di rifa pa su clientenan fiel.

Lotto, e loteria di Aruba tin ocho diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonany na mes momento inverti den deporte local pa medio di donacionnan na e comision di subsidio.