El a laga sa cu e tin 12 aña cumprando su numbernan na Lucky Numbers na Playa. E rebendedo a wak e numbernan den corant y a haya nan hopi conoci. Segun Sra. Utilma H., su colega ta esun cu a bay controla e ticket y a bin oficina bek hopi entusiasma ya cu e ticket ta esun ganado di 530 mil florin di Lotto 5.

Sra. Utilma H. a indica cu na prome luga e lo percura pa su dos yiu, un cu ta biba na Aruba y otro cu ta na Hulanda, keda bon para y tambe lo hiba famia completo un vakantie dushi y bon mereci. Finalmente, Sra. Utilma a duna di conoce cu e lo haci un donacion na Bibito Pin. E motibo principal di esaki ta pasobra señora H. tin un nieto cu ta special y ta p'esey el a dicidi di yuda e fundacion cu e bunita gesto aki. Lotto ta sumamento contento di a cambia bida di Sra. Utilma y su sernan keri.

Majan anochi abo tin e chens di gana 120 mil florin hungando Lotto 5. Sorteo ta tuma luga, manera semper, live pa 9or di anochi na Telearuba, Canal 13. Lotto ta desea tur esnan cu ta den wega pa gana 120 mil florin majan anochi cu Lotto 5 hopi suerte y un feliz weekend!