Lotto tin casi 200 punto di benta strategicamente situa tur rond di Aruba, cu ta haci e hopi mas facil pa pueblo di Aruba cumpra nan ticket pa e grandioso festival di "Caiso & Soca Monarch 2014" cual semi final lo tuma luga riba 11, 12 y 13 di februari. Riba 15 di februari e gran final lo tuma luga den curazon di San Nicolas, na e asina yama, y nobo nobo, Carnaval Village.

Carnaval 60 ta priminti di bira hopi grandi y "Caiso & Soca Monarch 2014" sigur lo conta cu un publico hopi grandi. P'esey mes pa haci'e mas facil pa e fanaticonan di e festival mas grandi di Aruba su Carnaval, Lotto ta aporta cu Carnaval di Aruba, door di pone e sistema di benta disponibel na tur su rebendedonan. Esaki sigur lo yuda engrandece e festival di Carnaval mas grandi di Aruba.

For di diabierna siman pasa caba ticket pa "Caiso & Soca Monarch 2014" ta na benta cerca tur rebendedo di Lotto rond di Aruba y asina abo tambe por cumpra bo ticket mas facil y disfruta masalmente15 di februari 2014. Entrada di pre finals ta bay na 20 florin pa ticket y pa final na 40 florin pa ticket.