Pidi bo rebendedo pa bo comprobante ora bo bay controla si bo ticket por ta uno ganado. Riba e comprobante aki tin e fecha y e orario nota di e dia actual cu bo a bay controle. Tambe cada ticket tin un number serial, esaki tambe mester cuadra cu e serial riba e comprobante. Di e manera aki bo mes persona por controla si bo por a gana un di e otro premionan cu Mini Mega ta parti. E segundo premio ta un premio progresivo cu ta cuminsa desde 5 mil florin. E di tres premio ta fiho di 500 florin y cu 3 number y e Mega Ball correcto bo ta gane. Ora bo tin 3 number correcto bo ta gana Afl. 50 y cu 2 number y Mega Ball bon bo ta gana Afl. 15. Cu e Mega Ball bo ta gana un Fee Ticket pa por participa den e siguiente sorteo di Mini Mega. Naturalmente bo por upgrade e ticket aki pa uno di Mega Plus cu unicamente dos florin.

Despues cu e sorteo di diabierna pasa no tabatin ganado, e jackpot di Mini Mega, cual ta sigui acumula, a alcansa e suma di Afl. 1.450.000 y e Mega Plus ta bira Afl. 550.000. Asina a cera e premio grandi di 2 miyon florin. Lotto kier wak un ganado miyonario mas y pa solamente Afl. 7, cu e combinacion di numbernan ganado y abo por bira e prome miyonario di Lotto pa 2014!

E jackpot di mas grandi cu Lotto a yega di paga den transcurso di su existencia tabata Afl. 2.450.000, na aña 2010. Pa loke ta aña pasa, Aruba a conoce dos miyonario cu Mini Mega. E prome tabata riba 10 di mei, unda un hungado a cumpra su ticket na e rebendedo situa na Rey Hing Supermarket na Pos Chikito y a gana Afl. 1.050.000. E di dos tabata na fin di october, unda cu un hungado a gana 1.1 miyon florin cu e Mega Plus cual ticket el a cumpra na e rebendedo Vegas Lottery.

Cumpra bo Mini Mega, combina cu su Mega Plus pa solamente Afl. 7 trempan, pasobra e entusiasmo ta sumamente grandi y den oranan di atardi sigur e rijnan ta bay ta largo na tur rebendedo rond Aruba.
Dos miyon florin ta un premio tremendamente fabuloso pa habri aña 2014 cune, pa realisa tur bo soñonan y cambia bo bida completo.

Lotto, E loteria di Aruba tin 8 diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega, y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.