Tur diamars y diabierna e sorteo di Mini Mega ta tuma luga. E ta un di e weganan cu constantemente ta conoce un ganado y esaki ta netamente loke ta haci Lotto super feliz. P'esey mes a dicidi di bin cu 'algo extra' riba e wega di Mini Mega, permitiendo asina e hungado gana mas riba e jackpot. Na momento cu bo cumpra bo ticket di Mini Mega di 5 florin, bo ta djis agrega 2 florin mas y bo ta haya e chens di gana e jackpot progresivo, "PLUS" 100.000 florin extra riba e jackpot di Mini Mega, esaki ta e MEGA PLUS.
Esaki sigur ta bale la pena, pasobra cu un inversion chikito di solamente 2 florin mas, bo por gana 100.000 florin riba e jackpot Mini Mega! Pidi pa bo Mega Plus cuminsando desde diabierna Augustus 2, 2013.
P'esey mes percura pa bo cumpra bo ticket di Mega Plus, cu ta costa solamente 5 florin plus 2 florin, pa bo tin e chens di gana e jackpot plus 100.000 florin! Un forma super facil y barata di gana placa di biaha y ta Lotto so por brinda bo e chens aki. Pues no perde mas tempo y cumpra bo ticket di Mega Plus for di e trempan caba cerca bo rebendedo preferi, p'asina abo tambe ta den wega pa garantisa e 100 mil florin extra riba e jackpot di Mini Mega.
Lotto, e loteria di Aruba tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y e mas nobo den e famia di Lotto; Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.
