E campaña aki ya a cuminsa caba y ta te cu 12 di Augustus 2013. E premionan ta wordo hinka den un tombola grandi y cu presencia di un representante di Gobierno, lo saca e 75 ganadonan na oficina di Lotto na Paardenbaaistraat 10. Riba 19 di Augustus Lotto lo anuncia den media kendenan ta e 75 feliz ganadonan di e campaña aki. Entre mas Raspa bo cumpra, mas posibilidad bo tin pa gana!

Despues di introduci Diamonds 2X y Some Like It Hot, awo Lotto ta lansa tambe Blackjack y Cash In A Snap. Cu solamente Afl. 2 bo por gana premionan di miles di florin instantaneamente.

Cu Blackjack si cualkier di bo cartanan gana e man di e dealer bo ta gana e premio indica bao di e man ey y si bo haya un Blackjack (21) bo ta gana dobel e premio pa e man ey. Asina cu Blackjack bo por gana te cu cinco biaha y te un maximo di 3 mil florin.

Cash In A Snap ta ofrece e premio maximo di 5 mil florin. Pa bo gana bo mester haya e suma di premio indica den cualkier spot y bo ta gana e suma ey. Cu Cash In A Snap bo por gana te cu 7 biaha.

Lotto, e loteria di Aruba tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.