Mirando e gran entusiasmo y interes den e wega aki, Lotto a hasta extende e wega un par di tempo mas, pero lastimamente, awo Tic-Tac-Toe ta den su ultimo luna, como wega promocional di Lotto. E suma di e jackpot ta sigi subi y sigur e lo conoce su ganado of ganadonan den e luna aki. E ta un wega hopi facil, ya cu loke e hungado mester haci, ta djis compara e numbernan riba e ticket cu esunnan cu ta sali diariamente den sorteo y asina forma linja. P’esey mes Lotto kier recorda tur su hungadonan pa sigui purba nan suerte cu e ultimo luna di Tic-Tac-Toe, cu ta costa solamente 2 florin. Entre mas liña bo forma, mas bo ta gana!
E ticket cu bo cumpra ta bin cu e numbernan cla caba. Bo no ta scoge bo mesun numbernan, pues e mesun sistema cu un loco. E premionan di “Tic-Tac-Toe” ta hopi interesante. Asina e hungado cuminsa forma liña, e ta gana. Pa un liña, e hungado ta gana un ticket gratis. Na momento cu logra forma 2 liña, ta gana Afl. 5,=. Ora forma 3 liña ta gana Afl. 50,=, ora tin 4 liña forma, Lotto ta paga Afl. 500,= y si logra forma 5 liña riba un solo ticket, e premio ta e jackpot di dia! Si riba 28 di Februari no tin un ganado di 5 linja e jackpot ta rolldown pa esun cu tin 4 linja forma! Pues mescos biaha pasa, e jackpot tin ta conose su ganado pa fin di e luna di Februari 2013.
Lotto, e loteria di Aruba tin ocho diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou, como tambe e wega promocional Tic Tac Toe, cu awor a drenta den su ultimo luna. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.
