fbpx

MAR2016 LIFIDA 5ORANJESTAD, Aruba - 22 di maart, 2016. Despues di casi cinco dia di futbol, diabierna ultimo e grandioso torneo anual internacional di futbol infantil di LIFIDA a yega su final. E aña aki un bes mas e organisacion di LIFIDA a conoce un exitoso torneo di futbol cu a conta cu participacion di cinco pais bishitante esta Colombia, Venezuela, Corsou, Boneiro y St Maarten hunto cu e seleccion di U-13 di Aruba.

 

Mester bisa cu e publico presente a gosa tur dia di e demas weganan mientras cu riba e dia di final esnan presente a presencia un final dramatico den stadion di Frans Figaroa na Noord entre e seleccion di Colombia contra di e seleccion di Aruba. Esaki ta di binti aña cu e organisacion di LIFIDA bou encargo di Jose Buchi Panama Wever ta ricibi e apoyo y sosten pa organisa e torneo internaciona di futbol infantil conmemorando nos Dia Nacional Himno y Bandera. Un bunita torneo sin duda algun caminda nos bishitantenan sigur a gosa di e hospitalidad di Aruba. Na banda di a hunga futbol, e delegacionnan presente a participa den e ceremonia di desfile riba 18 di maart.

 

Lotto, e Loteria di Aruba pa medio di Comision di Subsidio cu a yuda subsidia e torneo internacional di futbol infantil Himno y Bandera ta masha contento di por a duna su maximo contribucion na e unico torneo internacional di futbol infantil na Aruba.

 

Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

 

MAR2016 LIFIDA 1MAR2016 LIFIDA 2MAR2016 LIFIDA 3MAR2016 LIFIDA 4

Our website is protected by DMC Firewall!