ORANJESTAD, Aruba - 21 di Januari, 2016: E aña aki un bes mas e fecha natal di libertador Betico Croes lo wordo celebra en grande cu varios actividadnan deportivo rond di nos isla. Prome y riba dia di e fecha natal esta dialuna 25 di januari, Dia di Betico algun federacionnan deportivo lo organisa nan acostumbrado torneo recordando e fecha natal di Betico Croes den felis memoria.
E federacion di Ajedrez lo celebra nan torneo cuminsando diabierna 22 di januari proximo cual lo bira mesora tambe e prome torneo pa loke ta e actividadnan di 2016. E torneo lo wordo hunga den 3 grupo, esta U-12, U-18 y Open group pa tur edad. E gruponan Open y U-18 lo hunga entre diabierna 22 Januari y diadomingo 24 Januari . E grupo bou 12 anja (U-12), lo hunga riba dialuna 25 di Januari. Diabierna lo tin e ceremonia di apertura den Clubhouse Nieuwstraat 11, Oranjestad.
Un danki sigur na Lotto, e Loteria di Aruba pa medio di Comision di Subsidio cu a subsidia e eventonan deportivo enconexion cu e celebracion riba Dia di Betico. Tur aña mayoria federacion tin riba nan calendario un evento deportivo riba 25 di januari, celebrando asina e fecha natal di e gran estadistica Arubano.
Horario di e weganan:
Open Group y U-18
Promerrond: Diabierna 22Januari 08:00pm – 11:30pm
Segundo rond: Diasabra 23Januari 02:00pm – 05:30pm
Tercer rond: 06:00pm – 09:30pm
Cuarto rond: Diadomingo 24Januari 11:00am – 02:30pm
Cinco y ultimo rond 03:00pm – 06:30pm
Entregamento di premio después di ultimo rond.
Grupo U-12 lo startdialuna 25 Januaripa 10:00 di mainta y lo termina entre 3:00 y 5:00 di atardi. Entregamento di premio lo tuma lugar después di e ultimo rond.
Lo tin trofeo pa e promer 3 lugarnan den cada grupo.
Tur e weganantawordohunga den nos clubhuis na Nieuwstraat 11.
Tur hungador di ahedrezta bon bini.
Corda registra si Diamarsawor entre 7:00 y 9:00 di anochi den nos club.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
