ORANJESTAD, Aruba - 15 di october, 2015: Recientemente un delegacion di Aruba den e deporte di Paso Fino a competi den e Inter Curacao 2015. E competencia a tuma luga e dianan 2 pa 4 di october. Mester bisa cu Aruba a participa cu diferente jinete y amazonanan kendenan a bataya fuerte contra di esunnan di Corsou, Merca, Republica Dominicano, Puerto Rico, Colombia y Venezuela.

E competencia riba su mes tabata uno di nivel halto. No obstante esaki un bes mas nos jinete y amazonanan a sa na saca cara di Aruba logrando varios medaya. Den Amazonas 12-14 aña, e hobencita Zoey Arends a keda como e mihor, mientras Nina van Romondt a keda na puesto 1 y Melanie Wever na puesto 3. Den Amazona 15 – 17 aña, Shayna Werleman a keda como e mihor, mientras cu e puesto 1 a keda den nomber di Noelani Figaroa. Pa loke ta e jinetenan mester bisa cu den e categoria di 15-17 aña, e hoben Willem Werleman a keda como e mihor, mientras cu e puesto 2 a keda Dwayne Chirino. Den jinete 18 – 20 aña, e puesto 2 a keda pa Jordy Wever. Por ultimo den amazona 21 – 24 aña, Caitlin Ras a keda como e mihor.

Mester bisa cu e deporte di Paso Fino semper a destaca internacionalmente cu algun bon jinete y amazona. Te ainda nos por corda titulonan grandi cu a ser logra y cu a laga nomber di nos dushi isla di Aruba resona den exterior. E deporte ta uno creciente unda mas y mas mucha a cuminsa na practica esaki. Un pabien sigur na e organisacion di OCA y e atletanan di Aruba cu a briya den e Inter Curacao 2015.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.