Recientemente e federacion di karate a haya un invitacion pa e Panamericano di Karate cu lo tuma luga na Bolivia unda lo biaha cu un seleccion di tres atleta prominente kendenan ta Catherine Carraha, Robert Silva y Kevin Lugo. Hunto cu e delegacion di atleta lo biaha nan coach Eduardo Macias y director tecnico Georges Carraha. E competencia ta uno di nivel WKF y ta importante pa e desaroyo di karate. E atletanan lo competi den dos disciplina di karate esta Kata y Kumite.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e delegacion karate pa e campeonato na Bolivia.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
