Oranjestad, Aruba - 11 di juni, 2015: Dentro di algun dia, un delegacion di 3 atleta hoben den e deporte di tennis di mesa lo sali pa Puerto Rico unda nan lo competi den e XVIII campeonato Latino Americano di tennis di mesa hubenil e dianan 23 pa 29 di juni. E weganan lo tuma luga na e ciudad di Salinas y lo ta den e acomodacion Coliseo Multiusos Ismael Delgado.

E atletanan cu lo representa Aruba lo bataya den e categoria U-15. E atletanan eligi pa representa Aruba ta Jeandry Mathilda, Jhonatan Paredes y Ching Ho Chung, mientras como coach di e delegacion lo biaha Rudy Raga. Mester bisa cu e atletanan di Aruba ta mas jong mirando cu nan tin 12 y 13 aña di edad. Tur tres hoben a hiba un preparacion extenso di entrenamento specialmente pa e torneo aki. Tur dia nan a entrena duro, mas cu tres ora pa dia, minimal cuater biaha pa siman. E federacion di tennis di mesa ta sumamente orguyoso pa e trabou desplega unda mas y mas hoben ta competi den e deporte aki y e representacion internacional ta cosecha exito cu e generacion nobo.

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e delegacion di tennis di mesa pa por competi na e XVIII campeonato Latino Americano di tennis di mesa hubenil na Salinas, Puerto Rico.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.