Oranjestad, Aruba – 9 di mei, 2015: E Dia di Rey a wordo celebra na grandi cu varios eventonan deportivo. E federacionnan di ping pong, ATTA tambe a tene su competencia anual Copa di Rey. Mester bisa cu e wordo hunga den e diferente categorianan di mucha te cu hende grandi. Den e categoria nobato, e prome luga a nay pa Nethan Lobo, mientras e di dos luga a bay pa Tivon Quandt y na di tres luga a keda Kaylon Tying.

Den e categoria U 10, e prome luga a bay pa Bob Chung, na di dos luga a keda Kayle Huges y na di tres luga a keda Lotsing Huang. Pa loke ta e categoria U – 13, e prome luga a bay pa Jeandry Mathilda, e di dos luga a bay pa Jonathan Paredes y na di tres luga a keda Chingho Chung. Den e categoria masters, Franklin Lopes a demostra dominio un bes mas unda e ta logra ocupa e prome luga, sigui pa Alfred Leong na di dos luga y Rony Reyes kende a termina na di tres luga.

Pa loke ta e B-klas, mester bisa cu e hobennan a bolbe saca cara unda Jeandry Mathilda a logra un di prome luga sigui na di dos luga pa Donald Yarzagaray mientras cu na di tres y cuater luga a keda Jonathan Parades y Chingho Chung. Notabel ta cu e tecnica di e hungadonan infantil ta mehora cu dia y entrenamento, mientras e nivel ta subi.

Den e categoria U-18, e prome luga a bay pa Zhao Xie, e di dos luga pa Donald Yarzagaray y di tres luga pa Jean Pierre Helmeyer. Por ultimo nos tin e categoria Open klas, aki e prome luga a bay pa Mario Lobo, sigui cu un di dos luga pa Ruddy Raga, mientras na di tres luga a keda Andy Gomes.

Un danki sigur na Lotto, e Loteria di Aruba pa medio di Comision di Subsidio cu a subsidia e torneo di tennis di mesa enconexion cu e celebracion Dia di Rey
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.