Mester bisa cu un total di 18 miembro di ASB a atende e curso cual sigur ta un logro grandi pa e deporte cu awor lo conta cu entrenardonan di un nivel mas halto. E curso tabata hopi interactivo unda e participacion di nos entrenardonan local tabata bisto, mientras cu e informacion ricibi di e expertonan Guentor y Duecette ta uno valioso pa e desaroyo di softbol cuminsando ya for di un edad basta hoben. Mester bisa cu e curso tabata uno teoretico pero tambe practico unda e tereno di softbol na Kudawecha a wordo uza pa e parti practico.
Un danki sigur na Lotto, e Loteria di Aruba pa medio di Comision di Subsidio cu a subsidia e estadia di e dos coachnan Canades.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
