Oranjestad, Aruba - 8 di mei, 2015: E dianan 9 y 10 di mei proximo, Aruba Bodyboard Association lo organisa un un tremendo competencia di bodyboard yama Shark Bay Big Air Challenge, cual ta un competencia cu anualmente ta ser teni. E competencia ta priminti di bira unico den e categorianan di Open, Women y Dropknee. Den e division di Surf nos ta haya e categorianan di: Open y Woman.
Lotto ta contento di por aporta na nos atletanan local cu ta practica e deporte extremo. Aruba Bodyboard Association sigur ta traha duro pa engrandece e deporte di bodyboard y surf bou di nos hobennan.
Un danki sigur na Lotto, e Loteria di Aruba pa medio di Comision di Subsidio cu a subsidia e Shark Bay Big Air Challenge.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
