Oranjestad, Aruba - 6 di mei, 2015: Riba invitacion di e Federación de Levantamiento de Pesas Panamericano, FPLP, e presidente di AAWA, Sr. Hugo Themen a wordo invita pa e Congreso Panamericano cu lo tuma luga e dianan 2 pa 10 di mei proximo, na e ciudad di Cartagena, Colombia. E federacion Panamericano di hisamento di peso ta trahando pa modifica nan constitucion y pa e motibo aki mester sosten di tur nan miembronan den e region.

Nan ta pidi e apoyo di tur pais miembro pa participa na e congreso pa asina hunto tuma e decisionnan corecto encuanto e futuro di e deporte di hisamento di peso den e continente Panamericano. Ta importante pa congresonan den nos continente ser atendi pa e representantenan maximo di nos federacionnan deportivo, esaki pa un continuacion positivo cu lo yuda na engrandece e desaroyo di e deporte den su totalidad.

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e presidente di Arubox pa asina e por a atende a Asamblea General di American Boxing Confederation.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.