Oranjestad, Aruba – 6 di mei, 2015: Den e weekend cu a pasa, e tri-atleta Justice Dreischor a mira accion den exterior unda e lo competi den e circuito 2015 CAMTRI Monterrey Triathlon American Championship, e dianan 30 di april pa 4 di mei. Hunto Dreischor lo biaha coach Nicolas Robert.

E hoben Dreischor ta un prospecto grandi den e deporte aki y a triunfa varios biaha den e diferente competencianan na Aruba como tambe den exterior. E aña aki e atleta Justice Dreischor a wordo nomina como atleta di aña den e categoria 14 – 18 aña den Premio Excelencia den Deporte.

E competencia tawata uno fuerte unda e miho nan di henter mundo a participa y Justice a bataya contra e otro 27 fuerte competidonan di USA, Peru, Peru, China, Guatemala, Brazil, Cuba, Panama, Puerto Rico y Venezuela. E trayectorio cu Justice mester recori ta landa 1500m, core bicicleta 40 km y core na pia 10 km.

Un danki sigur na Lotto, e Loteria di Aruba pa medio di Comision di Subsidio cu a subsidia pa e tri-atleta Justice Dreischor por competi na e 2015 CAMTRI Monterrey Triathlon American Championship.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio