Oranjestad, Aruba – maart 2015: Despues cu aña pasa e Caribbean Swimming Championships, CARIFTA a tuma luga na Aruba, e aña aki e pais di Barbados a ser scogi pa organisa e competencia di landamento mas grandi den Caribe. E seleccion di landamento di Aruba tambe lo forma parti di e competencia aki unda den e ultimo shete añanan Aruba a sa na caba entre e top 3 miho islanan den Caribe.

E competencia lo ta di 4 te cu 8 di april. Pa loke ta e CARIFTA 2015, Aruba lo biaha pa Barbados cu 12 atleta den e diferente categorianan. Den e categoria 11-12 aña nos ta haya Gwennandy Kock y Lucien Peterson, den e categoria di 13-14 tin Anahi Schreuders - Keeley Maduro - Florence Kock y Elisabeth Timmer esaki femenino. E representantenan masculino lo ta Brandon Cheong y Daniel Jacobs. Por ultimo den e categoria di 15-17 aña femenino nos tin Rebecca Maduro y Andrea van den Berg, mientras den esun masculino nos tin Patrick Groters y Mikel Schreuders.

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e seleccion di landamento pa e competencia di CARIFTA 2015.