Oranjestad, Aruba - 19 di februari, 2015: E temporada nobo den e deporte di biyar ta den inicia y e federacion di FEBIAR a anuncia cu su calendario pa cu e temporada 2015 ta defini. E campeonato ta priminti di bira uno sumamente grandi cu competencianan di Nacional, Pro Team League, APT Tour A&B, Campeonato 8 Ball team, ABC 9 y algun otro mas.

Mester bisa cu nos atletanan di biyar semper a sobresali cada bes nan representa Aruba den exterior, unda cu den pasado a logra triunfa den e diferente competencianan di biyar bishita rond mundo. Recientemente e atleta di biyar, Ditto Acosta a conkista e prome luga den e torneo internacional Curaçao Pro Tour.

Es mas den pasado e deporte di biyar a produci un atleta di aña den persona di Aaron Franken den e prestigioso Premio Excelencia den Deporte, esaki na aña 2004 . Un danki sigur na Lotto, e Loteria di Aruba pa medio di Comision di Subsidio cu a subsidia e campeonato di biyar 2015 organisa pa e federacionnan di FEBIAR.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.