Oranjestad, Aruba – 3 di februari, 2015: Diadomingo 8 di februari proximo, e asociacion di triatlon, ATA lo ta organisa su prome competencia di aña 2015 cu lo bira un warm-up triatlon of miho bisa The Guardian Group Warm-Up Sprint Triatlon 2015!
E warm up sprint triatlon aki ta ideal pa e atletanan bin bek den nan ritmo y asina bira determina pa e retonan den 2015. Mas cu claro e competencia aki ta importante tambe pa esunnan cu pa prome biaha ta cera conoci cu e deporte di triatlon.
E distancianan cu lo ser recori ta como lo siguiente: Lo tin Kids te cu 14 aña e lo bira landa 375M – Bike 10KM – Run 2.5KM. Pa e categoria di Junior & Adult Male: landa 750M – Bike 20KM – Run 5KM. Tambe lo tin e categoria di Female Open 15+ cu lo mester landa 750M – Bike 20KM – Run 5K.
Tambe tin un mita distancia den e categoria: Half Distance Adult Open: landa 375M – Bike 10KM – Run 2.5KM. E luga di semper unda e evento lo tuma luga ta Boca Catalina y lo inicia pa 7or di mainta. Un danki sigur na Lotto, E Loteria di Aruba pa medio di Comision di Subsidio cu a subsidia e evento di traitlon.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
