Oranjestad, Aruba - 22 di januari, 2015: E dianan 24 y 25 di januari proximo, e federacion di bodyboard ABA ta organisando un competencia yama Copa Betico Andicuri Classics, celebrando asina e fecha natal di e gran estadista Arubano.
E competencia di dos dia ta bay ta uno caminda e diferente surfistanan lo competi den e categorianan di bodyboard beginner, junior, open, dropknee, woman. Tambe den surfing lo tin e categoriannan di open y woman. E competencia lo cuminsa for di oranan di mainta na Andicuri.
Un danki sigur na Lotto, e Loteria di Aruba pa medio di Comision di Subsidio cu a subsidia e eventonan deportivo en conexion cu e celebracion riba Dia di Betico. Tur aña mayoria federacion tin riba nan calendario un evento deportivo rond di e fecha di 25 di januari, celebrando asina e fecha natal di e gran estadistica Arubano.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
