Oranjestad, Aruba - 21 di Januari. Recientemente e triatleta Arubano, Renze Postma a sali pa La Paz, Argentina unda e lo a competi den e Camtri Triathlon American Cup And South American Championships. Esaki tabata valido pa e ranking pa e Weganan Panamericano 2015 di Toronto, Canda.

Durante di e competencia aki e atletanan mester haci un recorido basta intensivo y pisa. E competencia ta consisti di 1.5km landa, 40km core bicicleta y 10km core na pia. Un total di 46 atleta di e region di America lo busca nan clasificacion Panamericano. Aruba lo competi mei mei di e mihonan di e region aki hunto cu paisnan potente manera Argentina, Brasil, Chile, Ecuador, Paraguay y Uruguay.

Un danki sigur na Lotto, e Loteria di Aruba cu pa medio di Comision di Subsidio a subsidia e triatleta Renze Postma.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.