fbpx

Oranjestad, Aruba – 10 di December 2014: Recientemente funcionario di Cemedar Sports Medicine, Manyela Reyes a atende un seminario relaciona cu e materia di Biomecanica na e Centro Medico Deportivo na Bogota, Colombia. Pa un siman largo sra. Reyes a ricibi e prome modulo di capacitacion di e materia Biomecanica Deportivo, cual ta un area relativamente nobo den deporte di Alto Rendimento y necesario pa e desaroyo deportivo di e atleta Arubano. Un danki sigur na Lotto, e Loteria di Aruba pa medio di Comision di Subsidio cu a subsidia e biahe di Sra. Reyes.

 

E curso a consisti di videografia cu camaranan special, software specifico y logicamente cu e interpretacionnan cu lo keda den e man di e experto den e area di Biomecanica, dr. Vargas y cu lo rekeri asistencia den esaki. Como coordinador di e areanan di servicio, Manyela a sinta cu cada un di e departamentonan di COLDEPORTES, cu e intencion di haci coneccionnan importante cu lo yuda den e actualisacion di protocolnan internacional di cada area y hunto haci e mehoracion concerni.


Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

Our website is protected by DMC Firewall!