fbpx

ORANJESTAD, Aruba - 3 di november 2014: Diadomingo merdia e atleta Eugene Dirksz hunto cu coach Aldrick Maduro a sali pa Mar de Plata, Argentina, unda cu e atleta Dirksz lo atende un campo di entrenamento organisa pa e federacion mundial di ciclismo UCI.

Federacion di Ciclismo Arubano, AWB a ricibi e invitacion di parti di UCI a e probecha di e oportunidad unico aki. E campo di entrenamento lo ta for di 3 di november te cu 27 di november. Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e atleta Dirksz hunto cu coach Maduro.

 

E campo di entrenamento lo dirigi su mes no solamente pa descubri talentonan den ciclismo y duna nan e miho guia cu ta posibel, pero tambe yuda e coachnan traha den un forma mas profesional cu e talentonan hoben. Actualmente e atleta Eugene Dirksz ta un di e top prospectonan den e deporte di ciclismo na Aruba, ya e la logra varios bon puesto den caredanan local y internacional. Di otro banda coach Aldrick Maduro ta un ex-ciclista y tin su mesun centro di entrenamento na Aruba, esta Al Training Performance y awor lo engrandece su conocemento un tiki mas den e ramo di ciclismo.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio

DMC Firewall is a Joomla Security extension!