ORANJESTAD, Aruba - 30 di October 2014: tin nada mas bunita ora dos diferente deporte uni pa logra un solo meta, yuda e atleta progresa den loke e ta haci. Diadomingo ultimo, Aruba Amateur Weightlifting Association hunto cu Crossfit-Aruba a organisa e campeonato nacional hisamento di peso.
Esaki ta pa di tres aña consecutivo cu e deportenan di hisamento di peso y crossfit ta uni unda mas atleta ta participa na e campeonatonan di hisamento di peso mirando cu esaki ta un disciplina cardinal den e deporte nobo esta crossfit. Un danki sigur na Lotto, e Loteria di Aruba pa medio di Comision di Subsidio cu a subsidia e campeonato nacional di hisamento di peso. Lotto sigur ta hopi satisfecho pa mira dos organisacion uni hunto pa asina traha na progreso y bienestar di e deporte y nan atletanan.
Mester bisa cu e participacion tabata uno masal y hopi record nobo a wordo estableci pa nos atletanan di pesas. Den categoria di 56kg femenino e ganado a bira Joanne Kuster, mientras den categoria 63kg, e prome luga a bay pa Jennifer Piter cu 165kg y den categoria di 75kg, e prome luga a bay pa Misha Raymond cu 123kg total. Pa loke ta e categoria masculino, e ganadonan absoluto den hubenil a resulta Zymion Loopstok cu un sinclair total di 205.176, den categoria junior nos ta haya Joel Kuiperi cu sinclair total di 269.543, den e categoria di senior e ganado absoluto a resulta Ulrich Hoek cu sinclair total di 287.972 y den categoria master esaki a resulta Herve Ruiz cu sinclair total di 265.409.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
