ORANJESTAD, Aruba – 2 di Oktober 2014: Riba invitacion di e federacion tenis di mesa di Corsow, un delegacion di Aruba lo ta competi den e torneo internacional "Dutch Antilles Youth Tournament" e dianan 6 – 9 october 2014. Un danki sigur na Lotto, e Loteria di Aruba pa medio di Comision di Subsidio cu ta subsidia e biahe di nos hoben atletanan di tenis di mesa pa Corsow.
Mester bisa cu e torneo ta parti di e Invitational Master Table Tennis Tournament en conexion cu e celebracion di e 30 aniversario di e centro "Irene Moreno". E weganan lo tuma lugar den Sentro Deportivo Corsow. Aruba su delegacion lo consisti di e hungadornan den e categorianan di pre-cadet (U-13), cadets ( U-15) y juniors (U-18). E hungadornan cu lo representa Aruba ta Jeremy Ras, Bob Chueng, Chen Ho Chueng, Jonathan Parades, Sjoerd Geurtsen, Jean Claude Hoek, Donald Yarzagaray, Michell Kelly, Zhao Xi, Jean Paul Helmeyer, Jeandry Mathilda y e unico hungador femenino Mikayla Mathilda.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
