fbpx

ORANJESTAD, Aruba – 27 di september 2013: E deporte di esgrima, conoci tambe como esgrima deportivo, pa diferencia di esgrima historica, ta un deporte di combate unda dos contricante ta enfrenta otro y mester purba di mishi cu otro cu un arma blanco. Su definicion ta "arte di defensa y atake cu un spada, florete of un arma similar". Aruba tambe tin hopi aña ta practica e deporte di esgrima moderno, cu ta un deporte di entretenimento y competencia, aplicando e reglanan y e tecnicanan cu ta desaroya di su origen.

 

Señor Thomas Austin, un veterano den e mundo di esgrima y director di e federacion di esgrima na Aruba y coach di 6 club na Aruba, ta conta di e plannan cu tin pa aumenta e popularidad y fanatico den e deporte aki. Diasabra ultimo na Compleho Betico Croes tabatin un competencia y mester bisa cu apesar cu tin interes di nos muchanan, e publico ta keda hopi limita. "P'e muchanan el a bay bon, ya cu nan tabatin un bon oportunidad pa pone den practica nan habilidad- y tecnicanan di esgrima. Awo nos a haya asistencia di un coach di Poland, cu a bin door di e peticion cu m'a haci debi na mi edad halto, na Federacion di Esgrima Internacional y mirando cu nan ta den nan celebracion di 100 añiversario, nan a facilita Aruba cu e peticion. E coach no lo t'ey pa un periodo largo, pero mi ta sigur cu su conocemento y experiencia lo engrandece e deporte aki. Tambe a bin un boluntario for di Costa Rica, pa wak si Aruba por fungi como cede pa un Panamericano otro aña, p'e categorianan infantil y veterano", sr. Austin a duna di conoce.

 

Añas el a organisa un competencia, unda cu varios isla den vecindario a bin pa engrandece e evento, apesar cu e gastonan ta halto pa bin Aruba pa djis participa na un deporte. E siguiente competencianan cu lo tin ta: Copa Jerry Gomez, cu tabata e man drechi di sr. Thomas y a yud'e pa hopi aña, p'esey mes a dicidi pa laga e competencia aki carga su nomber, tambe falta Campeonato Arubano y ASU ainda pa tuma luga. Sr. Thomas a conta cu e deporte aki ta uno unico, mirando cu bo mester tin prome cu tur cos, amor pa e deporte aki, pero tambe disciplina y confianza propio pa por ehecut'e. E ta encurasha tur mucha entre 7 pa 14 aña, cu ta interesa pa join e deporte di esgrima, pa bin inscribi y haya sa si e ta e deporte cu bo kier sigui crece aden. Lotto, e loteria di Aruba, cu tin como prioridad pa duna sosten na deporte di Aruba, tambe ta contribui y sostene e plannan di e deporte di esgrima pa asina engrandece deporte na Aruba y duna nos muchanan un chens pa cera conoci cu otro deporte.

 

Lotto, e loteria di Aruba tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.

DMC Firewall is a Joomla Security extension!