Good Causes
Oranjestad, Aruba - 13 di april, 2015: Den e dianan nos dilanti lo tin e campeonato di Caribe Hubenil den e deporte di tennis di mesa, esaki lo tuma luga na e pais di Santo Domingo. Nos dushi isla di Aruba tambe lo sali cu un delegacion di hungadonan den e categoria masculino U-15.
Read more: Seleccion hubenil di tenis di mesa lo sali pa Caribbean Championship na Santo Domingo
Oranjestad, Aruba - 9 di april, 2015: Recientemente e seleccion di Aruba a biaha pa e isla di Barbados unda nan a bay competi na e Caribbean Swimming Championships, CARIFTA. Mester bisa cu un bes mas e seleccion di Aruba a haci un tremendo papel unda nan a logra conkista un total di 35 medaya di cual 10 Oro, 13 Plata y 12 Brons.
Oranjestad, Aruba – maart 2015: Despues cu aña pasa e Caribbean Swimming Championships, CARIFTA a tuma luga na Aruba, e aña aki e pais di Barbados a ser scogi pa organisa e competencia di landamento mas grandi den Caribe. E seleccion di landamento di Aruba tambe lo forma parti di e competencia aki unda den e ultimo shete añanan Aruba a sa na caba entre e top 3 miho islanan den Caribe.
Oranjestad, Aruba - 7 di april, 2015: Un delegacion den e deporte di Atletismo a sali pa e isla Caribense di St. Kitts & Nevis unda e campeonato di Carifta Games 2014 lo ta tumando luga e dianan 3 – 6 di april. Federacion di Atletismo Aruba, a ricibi e sosten financiero di Fundacion Lotto pa Deporte pa realisa e biahe pa Carifta.
Read more: Delegacion di atletismo a sali pa e competencia di CARIFTA 2015 na St. Kitts & Nevis.
Oranjestad, Aruba – maart 2015. Den luna di januari, e club di pesas TNT-Gym a recorda e hecho cu 40 aña pasa a funda e prome club di hisamento di peso na Aruba. Como e club di hisamento di peso mas bieu na Aruba, a celebra e ocasion special aki diadomingo 22 di maart. Na banda di a cumpli 40 aña di existencia, e honra dos miembro cu a lo largo a bira dos baluarte cu te dia di awe ainda ta activo den dicho club. Nos ta referi aki na Sr. Theo Bareño y Sr. Hugo Themen kendenan tin un trayectorio largo den e deporte di hisamento di peso.
Oranjestad, Aruba - 1 di april, 2015: E aña aki un bes mas, Druif lo bira e lugar di e gran espectaculo di bodyboard y surf den e ya tan popular Copa Silito Kelly organisa pa Aruba Bodyboard Association. E competencia lo ta dos dia esta 4 y 5 di april unda cu na banda cu e mihor competidornan di bodyboard y surf na Aruba lo bula den awa pa demostra ta ken ta e mihor, lo ta bay tin tambe DJ y live bands.
Read more: Copa Silito Kelly lo ta 4 y 5 di april proximo na Druif
Oranjestad, Aruba - 19 maart 2015: Den e weekend tras di lomba, e tri-atleta elite, Renze Postma a bolbe mira accion den exterior unda e la competi na e circuito CAMTRI Triathlon America Cup y Bolivarian Cup e biaha aki na Lima , Peru. Den luna di februari, Renze Postma a competi na mesun competencia cu a tuma luga na Barranquilla, Colombia.
