Su sorpresa tabata grandi, pero mas tabata su alegria ora cu el a realisa cu el a gana Afl. 12.500 cu Zodiac. Manera e lema di Lotto ta "Cambiando Bida", den e caso di Kevin G, sigur e placa aki ta trece un cambio bunita p'e y su famia, como cu e lo manda e placa aki pa su señora y yiunan kende no ta biba na Aruba.

Masha pabien Kevin. Lotto ta orguyoso di brinda bo un caluroso bonbini na nos famia grandi di ganadonan. E popularidad di e wega Zodiac, cual ta un combinacion di cuater cifra cu un signo di e Zodiac, ta creciendo dia pa dia mas, como tambe ta wak mas y mas ganado feliz ta bin reclama nan premionan grandi cerca Lotto. E ta un wega hopi facil pa hunga, djis acerca bo rebendedo faborito, dune bo cuater cifra y scoge bo signo, of tur e 12 signonan. Cu un inversion chikito di 50 cen ya bo ta den wega. E inversion maximo pa e mesun combinacion ta 25 florin.

Lotto, e loteria di Aruba tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.