E dia di e Mega Plus Radio Tour, a bay den un ambiente masha agradabel y asina a logra bishita e siguiente stacionnan di radio; canal 90 cerca locutor Victor, Magic cerca locutor Erin, Cool FM Morning Show, Power FM cerca locutor Ivan, Galactica cerca locutor Marco, Latina cerca locutor Andres, Win y e mascota Nemo y na radio Caliente cerca locutor Juan Carlos. Tur e radio oyentenan a haya un informacion amplio tocante e gran oportunidad cu Lotto su wega tan gusta y hunga, Mini Mega, ta brinda tur e hungadonan. Cu cada compra di 1 ticket di Mini Mega na balor di 5 florin, bo ta pone 2 florin mas y bo ta den wega pa gana 100 mil florin extra riba e jackpot progresivo cu ta cuminsa na Awg. 250.000,- . Awe tin e balente jackpot di Mega Plus di Awg. 380.000,-. Sorteo ta 9pm na TeleAruba, Canal 13.

E radio oyentenan tabata hopi activo tambe durante e dia aki y na cada stacion di radio a duna chens p'e oyentenan participa y gana free ticket di Mega Plus pa e sorteo di e dia ey. Tin cu remarka cu e interes, bou di e oyentenan, pa gana e ticketnan di Mega Plus tawata hopi halto na tur radio station. Tambe a haya informacion balioso di e Mega Plus. E sorteo di Mini Mega ta riba tur diamars y diabierna, pues percura pa abo tambe tin bo ticket di Mega Plus pa bo por bira e feliz ganado di 100 mil florin extra riba e jackpot. Ora bo gana un Mini Mega Free Ticket esaki tambe por wordo upgraded pa un Mega Plus ticket cu 2 florin! Ta bon pa re-itera cu si dos persona gana e Mega Plus, e jackpot di Mega Plus ta wordo parti igualmente. E regla aki ta conta pa tur otro jackpot di Lotto tambe. Tambe ta bon pa menciona cu ora un persona tin e ticket ganado di Mini Mega y e otro persona tin e ticket ganado di e Mega Plus, pa e mesun sorteo, e Jackpot di Mini Mega ta wordo parti den dos, pues mita mita. E jackpot di Mega Plus, ta bai completo pa e persona cu tin e ticket ganado di Mega Plus.

Lotto, e loteria di Aruba tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.

{gallery}joomgallery/originals/mega_plus_radio_tour_28{/gallery}