Ayera nochi ta un otro momento special, ya cu Lotto lo luci cu su studio nobo y lo tin e prome sorteo tambe di nan wega promocional nobo “Tic-Tac-Toe”. Desde nan imagen nobo, nan a lansa algun wega nobo di promocion, entre otro “Cachi Cachi” unda cu varios hungado a bira un feliz ganado diariamente y awo tin “Tic-Tac-Toe” cu ya caba ta hayando acogida cerca nos hungadonan, ya cu e jackpot ta uno progresivo y sigur atractivo. 

Lotto, e loteria di Aruba ta invita tur hende pa sintonisa Telearuba tur anochi, pa 9’or di anochi y diadumingo pa 2’or pa asina nan tambe forma parti di e cambionan positivo cu Lotto ta treciendo dilanti. Lotto cu un imagen, edificio nobo y awo cu un studio nobo cu e colonan nobo, treciendo suerte pa tur hungado pa asina cambia nan bida.

Lotto, e loteria di Aruba cu 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou, ta corda un y tur pa sigui purba nan suerte cu cualkier di 7 weganan aki na cualkier rebendedo di nan preferencia, ya cu kisas abo por ta e siguiente ganado feliz. Alabes cumprando Lotto bo ta contribui tambe na deporte riba nos isla. 

Lotto di Aruba ta existi desde aña 1982 caba y apenas algun luna atras ora cu a presenta nan imagen nobo, Lotto a haci entrega di un donacion adicional di 1 miyon dollar na e Comision di Subsidio di deporte, kende na su turno ta percura pa e fondonan ey yega na e organisacionnan di deporte. Meta di e fundacion ta pa organisa loteria, cambia bida di su ganadonan y na mes momento, inverti den deporte local.