fbpx

 

 

Siman pasa Damaris Ridderstap di e team di mercadeo di Lotto a bishita varios locutor na stacionnan di radio pa promove “Tic-Tac-Toe” y pa splica con e wega promocional aki ta hinca den otro. A bishita Power FM durante e programa di Ruben Garcia, a bishita Canal 90 FM cerca Leoncita Arends, a bishita Magic FM cerca Elsa Krozendijk, na Latina FM FM cerca DJ Anfe, na Caliente FM cerca Sonri y a finalisa e recorido na The Morning Show hunto cu e team di Cool FM. Tanto na Power FM como na Cool FM  a hunga y parti premionan di “Tic Tac Toe” na esunnan presente den studio y por a scucha y sinti un alegria inmenso, ya cu e wega ta uno hopi dibertido. 

 

E team di promocion di “Tic-Tac-Toe” ta bishitando diferente supermercado, pa asina informa y demostra tur hende di e wega promocional y dibertido aki di Lotto. E promocion di Tic Tac Toe a cuminsa diaranzon ultimo unda promo girls nan parti flyers na dilanti Royal Plaza y e weekend aki ta e ultimo dianan di e promocion unda ainda pueblo di Aruba tin chens pa pasa bishita Kong Hing y Superfood pa hunga un tiki Tic Tac Toe cu amigo nan y famia entre 11: 00 di mainta y 3:00 di atardi,  conoce e wega divertido aki y gana premio nan instantaneo. 

 

E wega promocional “Tic-Tac-Toe” ta pa uni famia como tambe e amigonan, ya cu por hung’e den grupo di hende y alabes e ta super dibertido y entretenido. Pa hunga “Tic-Tac-Toe” ta masha facil mes, paso cu solamente 2 florin bo ta ricibi bo ticket cu  9 number ariba pa hunga y e hungado mester compara e numbernan riba e ticket cu esunnan cu ta sali den e sorteo. Den total ta saca 7 number tur anochi durante e sorteo di Lotto na TeleAruba, y  riba diadomingo pa 2or di merdia. E premionan ta varia entre cuanto liña bo logra forma y entre mas liña bo forma, mas chens bo tin di gana e JACKPOT DI DIA. E JACKPOT DI DIA ta progresivo, pues  e ta sigui crece te ora e conoce un ganado di 5 liña. 

 

Tic Tac Toe ya a conkista e radio oyentenan y Lotto ta contento di por bolbe bin cu un wega innovativo y creativo, unda cu su hungadornan por gana premio. Pues no perde e oportunidad aki y bishita un di e supermercadonan den bo cercania y cera conoci cu e wega promocional nobo aki cu ta cuminsa 1 november te cu 31 di december y gana premio. 

{gallery}joomgallery/originals/tic_tac_toe_radio_tour_13{/gallery}

Our website is protected by DMC Firewall!