E campeonato aki ta wordo hunga den 3 categoria, un categoria Sub-1700 pa hungadornan sin rating of cu un rating bow di 1700 ELO. E otro ta un categoria U-2000, pa hungadornan cu un Fide_Rating bow di 2000 y un categoria U-2300 pa hungadornan cu un fide_rating bow di 2300 ELO.

 

Den e ultimo anjanan e federacion di ahedrez ta masha activo tanto riba nivel local como internacional. Nos atletanan di ahedrez a caba di competi algun luna atras den e campeonato mundial di ajedrez teni na Baku, Azerbaijan mientras cu dos siman pasa e federacion a organisa e torneo annual internacional “Aruba Chess Challenge 2016” cu a conta cu participacion di hungadornan di 6 pais cu a bishita Aruba. Awendia mas y mas hoben ta praktica e deporte mental cu ta exigi un grado di concentracion di nivel halto. For di un edad relativamente hoben nos ta mira nos muchanan eherce e deporte di ajedrez, cual sigur ta un di e metanan primordial pa e federacion di ahedrez.

 

Un danki sigur na Lotto, e Loteria di Aruba pa medio di Comision di Subsidio cu a yuda subsidia e delegacion di ajedrez pa e campeonato Panamericano Amateur di Ajedrez 2016.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

 

OCT2016 Schaken 1

Our website is protected by DMC Firewall!