Diaranson 28 di augustus ultimo, Ramon B. a bira e feliz ganado di e balente suma di 240 mil florin cu e wega di Lotto5. Ramon a comenta cu e ta gusta hunga e weganan di Lotto y esey ta haci cu semper e ta purba su suerte. Manera tabata varios caso caba di e ganadonan di Lotto, supersticion y sentimento ta hunga un rol grandi na momento cu cumpra e numbernan di cualkier di e weganan.

Ramon den su caso, a bestel piesa pa su auto y ora el a wak ariba su recibo, el a combina y traha su numbernan pa hunga Lotto5. Suerte e biaha aki a toca su porta y el a logra combina e numbernan corecto, na momento cu el a cumpra su ticketnan na Get Rich Ponton. E suma di 240 mil florin lo cambia su bida y sigur e lo haci bon uzo di e placa cu el a gana cu Lotto, e loteria di Aruba, cu ta cambiando bida di su hungadonan.

Lotto, e loteria di Aruba tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.