E persona aki a yega di gana varios biaha cu 3 cifra corecto y tambe cu 4 cifra. Pero recientemente, tur e cifranan tabata corecto logrando cu esaki a premio grandi di 280 mil Florin.E feliz ganador a bira un fiel comprador di Mega Plus desde cu Lotto a cuminza cu e wega aki. Pa casualidad, el a bisa, e biaha aki e no a cumpra Mega Plus sino e lo a gana 100 mil florin extra.

Esaki ta un muestra cu ta bale la pena sigui cumpra bo numbernan vast y asina no perde ningun chens di gana. E numbernan el a cumpra nan na Thode Lottery ubica na Sabana Liber. E mesun numbernan aki e ta usa nan pa hunga Lotto di Dia y Lotto 5.
Sra. Petra a conta cu esaki ta numbernan di e fecha di nacemento di su 5 yiunan. Ora a puntra e ganador di Mini Mega el a duna di conoce cu e placa aki lo wordo inverti pa drecha e dak di su cas y ademas di esey bay riba crucero pa un dushi vakantie.

Lotto, e loteria di Aruba tin 8 diferente wega; Catochi, Big 4, Zodiac, Lotto di Dia, Lotto 5, Mini Mega, Wega di Number Korsou y Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.